أول تعليق لإيناس عز الدين وزوجها بعد انفصالهما

أول تعليق لإيناس عز الدين وزوجها بعد انفصالهما

أعلنت الفنانة إيناس عز الدين، نجمة برنامج Arab Idol إنفصالها عن زوجها أحمد قمر، وذلك في بيان عبر صفحتها الشخصية بموقع “إنستجرام”.

وقالت إيناس عز الدين: «بعلن انفصالي عن زوجي أحمد قمر بكل حب و ود واحترام وتقدير ممكن نكون اختلفنا كأزواج إننا نكمل مع بعض أو النصيب وقف لحد كده بس هيفضل صديق عمري كله، بتمنالك كل خير وكل سعادة ونجاح يا أحمد يا انضف إنسان عرفته في حياتي».

ورد عليها أحمد قمر قائلًا: «معلومة دي مش كدبة ابريل ولا ده خبر هزار، اتمنى الناس تتقبل فكرة اننا انفصلنا وإحنا بنحترم بعض وبنحب بعض وشايلين لبعض الخير والتقدير وإننا اختلفنا كزوجين وأكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة».

وأضاف: «مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا، احنا اختلفنا وصعب نكمل كزوجين بس مستحيل نبطل نفضل في حياة بعض كأصدقاء لإننا طول عمرنا كنا أصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض”.

وأنهى كلامه بقوله: «احنا هنفضل أهل غصب عن أي شيء وبنكن لبعض كل حب واحترام وتقدير».