أول تعليق لسالي عبدالسلام على اتهامها بوضع الماكياج أثناء العمرة.. صور

علقت الإعلامية المصرية سالي عبدالسلام، على حسابها على “انستجرام”، على اتهام البعض لها بأنها تضع الماكياج على وجهها أثناء أدائها مناسك العمرة.

سالي نفت صحة هذه الاتهامات، وأكدت على كلامها بنشرها صورة مقربة لها، أثناء أدائها مناسك العمرة،وعلقت بقولها: “صورة اقرب لكل اللى عنده فراغ و ربنا مش شاغله بنفسه رجالة قبل الستات باللى بيقولوا حاطة مانيكير وحاطة ميك اب وروج.. انتوا بجد؟؟ ده سؤال بجد؟؟ استفسار وهرد عليه بجد؟؟! هل فى حد طبيعى هيعمل كدة؟؟! انا هحترمكم لحد ما ارجع حتى لو انتوا مش محترمين حبايبى بس انا حرة”.

وأضافت: “انا لا شخصية عامة ولا معروفة ولا عيب ولا منظرى ولا بالصلى على النبى ياكل معانا الجو ده والأغلبية عارفين! ده انا اخلاق سواقين ميكروباص ملموش اجرة اقسم بالله.. هخليك /هخليكى تحس انك احمق! ((احمق)) متدخلش فى اللى ملكش فيه”.

واختتمت كلامها بقولها: “البس اللى يعجبنى واعمل اللى يعجبنى .. لما تتحاسب عليا او تاخد ذنبى ابقى انطق! اقطع عنى المصروف.. ركز مع نفسك احسن.. ربنا يشغلك بنفسك ويبعد عنا امثالكوا بس اختبار من ربنا ..جهاد النفس ❤ قول /قولى ماشاء الله دى حجات حلوة من عند ربنا احسن و متبقيش بومة او تبقى غراب..#قرفتونا اه انتوا قليلين انا عارفة ان اللى بيحبوا كتير بس لازم اعرفكم غلطكم بشياكة #المتوحشة”.

يذكر أن سالي عبدالسلام كانت قد سافرت مؤخرا إلى المملكة العربية السعودية برفقة والديها وشقيقها، لأداء مناسك العمرة هناك.

/* MOHANNAD QAMARA || JC MAN */