إعلامية مصرية تعترف شيرين عبد الوهاب سبب “طلاقي”

22 ديسمبر 2018 - 8:53م أحمد عربى، مشاهير القاهرة - كل النجوم 611 مشاهدة

أكدت الإعلامية المثيرة للجدل رضوى الشربيني، أنها اتخذت قرار طلاقها المفاجىء من زوجها بعد 7 سنوات ونصف السنة من محاولات الحفاظ على أسرتها، بسبب المطربة المصرية شيرين عبد الوهاب، مشيرة إلى أنها اعتادت السماع إلى أغاني المطربة أثناء استحمامها يوميًّا، وفي أحد الأيام استمعت إلى أغنيتها “المرايا” واعتبرتها رسالة موجهة إليها شخصيًّا، فخرجت وطلبت الطلاق فورًا.

رضوى كشفت عن القصة أثناء حلولها ضيفة على برنامج “كلام نواعم” وقالت: دخلت عشان آخد شاور ودائمًا أنا بشغّل أغاني، وجت أغنية شيرين “المرايا” وتقول كلماتها هتعمل إيه لو بصّيت في المرايا فأنا بسمع الجملة وأنا واقفة قدام مراية الحمّام، اعتقدت أنها بتغنيهالي أو بتغنيها عليّا.

وتابعت قائلة : كانت أطول فترة شاور خدتها في حياتي كانت ساعتين وربع الساعة.. وقعدت كده وكان شريط حياتي بينعاد قدامي.. وبعد ما خلصت قلت لنفسي وبعدين؟هتعرفي تكملي كده بقية حياتك كلها.. فخرجت صليت استخارة..تاني يوم قولتله طلّقني.

واعترفت رضوى بأنها عانت كثيرًا بعد الانفصال، وقالت: الموضوع صعب جدًّا وكفاية كلام الناس والأهل ونظرات الناس إليك، تعبت وكنت مخبوطة على دماغي 3 شهور هي فترة العدّة.. بعدها بدأت أبيع حاجات عندي من ميراث والدي عشان أوفر احتياجات بناتي..وماما ربنا يخليها كانت بتساعدني، و80 بالمئة ممّن لجأت إليهم أغلقوا الأبواب في وجهي بأعذار مختلفة، لحد ما ربنا شاء واشتغلت في النهاية وحققت النجاح اللي أنا فيه دلوقتي.

وأضافت أنها شعرت بالندم بعد الطلاق على قرار الزواج وإنجاب أطفال، ولكنها حاليًّا تعتقد أنّ ربنا اختار لها السيناريو الأفضل لحياتها، فلولا الزواج لم تكن لتُرزق بابنتيْها، ولولا الطلاق لم تكن لتصبح واحدة من أشهر الإعلاميات في مصر الآن.

الكلمات الدلالية لـ إعلامية مصرية تعترف شيرين عبد الوهاب سبب “طلاقي”

التعليقات لا يوجد تعليقات لـ “إعلامية مصرية تعترف شيرين عبد الوهاب سبب “طلاقي”“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور