إيناس عز الدين نجمة “أراب أيدول” تجري جراحة دقيقة.. وهذه أول صورة لها بعد العملية.. شاهد

10 يناير 2018 - 1:23ص sara عربى القاهرة - كل النجوم 875 مشاهدة

إيناس عز الدين نجمة “أراب أيدول” تجري جراحة دقيقة.. وهذه أول صورة لها بعد العملية.. شاهد

خضعت الفنانة المصرية إيناس عزالدين، نجمة برنامج المواهب “أراب أيدول”، لعملية جراحية دقيقة خلال الأيام القليلة الماضية.

إيناس أثارت قلق جمهورها قبل إجرائها للعملية، حيث كتبت، على حسابها الخاص على موقع “الفيس بوك”: “كلها كام ساعة وهدخل أعمل عملية كبيرة أوي خايفة لأني دي أول مرة أعمل عملية في حياتي وعارفة ان اللي مكتوبلي هشوفه، عايزة اقولكم اني بحبكم جداااااااً اللي اعرفه منكم وحتى اللي ما اعرفوش واني اتعودت منكم انكم معايا علطول في السراء والضراء ومحتاجة دعواتكم جداً دعوات بجد من القلب”.

وبعد نجاح العملية، طمأنت الفنانة المصرية جمهورها على صحتها، ونشرت صورة لها من المستشفى، وعلقت بقولها: “اول يوم افوق فيه وافتح عيني من بعد العملية عدت عليا الايام اللي فاتت كنت بتمنى من ربنا اني ما افوقش من المسكنات ولو لحظة علشان ما احسش بالالم اللي بالنسبالي كان لا يحتمل بما تحمله الكلمة من معنى ولسه بحاول اتجاهل عذاب الالم علشان بس اقولكم كلمتين من جوه القلب”.

وأضافت: “عايزة اقولكم في عز تعبي ونومي كان احمد يمسك الموبايل يقرالي رسايلكم وتعليقاتكم وبوستاتكم ودعواتكم ويحكيلي عن مكالماتكم وكنت بسمع وبحس حتى وانا مش في وعيي ما صدقتش كم المكالمات والدعوات والرسايل والخوف والقلق اللي كانوا عندكم عليا كأني من دمكم انا مش عارفة اقولكم قد ايه انا اكتشفت اني غنية ومليونيرة بس مش فلوس”.

واختتمت كلامها، بقولها: “غنية ومليونيرة بيكم انتم اعظم كنز ممكن انسان يتمناه كل دعوة خففت عني الم وكل لحظة خوف هونت عليا تعب صدقوني لو عمري بإيدي حهديهولكم علشان هو بالفعل ملككم”.

يُذكر أن نجمة “أراب أيدول” قد مرت بتجربة صعبة منذ عدة شهور، حيث فقدت جنينها بعد أن أخبرها الأطباء أن الاحتفاظ به فيه خطورة على حياتها، وتعرضت لنزيف بسبب القولون.

الكلمات الدلالية لـ إيناس عز الدين نجمة “أراب أيدول” تجري جراحة دقيقة.. وهذه أول صورة لها بعد العملية.. شاهد

التعليقات لا يوجد تعليقات لـ “إيناس عز الدين نجمة “أراب أيدول” تجري جراحة دقيقة.. وهذه أول صورة لها بعد العملية.. شاهد“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور