تامر حسني يوجه رسالة قاسية للشامتين في وفاة ممدوح عبدالعليم

9 يناير 2016 - 12:22م sana عربى، مشاهير القاهرة - كل النجوم 2٬982 مشاهدة

وجه الفنان المصري تامر حسني، رسالة للشامتين في مصائب الناس وابتلائهم، خاصة بعد شماتة الإعلامية آيات عرابي في وفاة الفنان ممدوح عبدالعليم، وفرحها بموته.

تامر قال عبر صفحته الشخصية بموقع “فيس بوك”: “يا شباب إيه رأيكم في الناس اللي بقت بتتريق وبتهزر وبتشمت في مصايب الناس أنا شايف بقى فيه ناس كتير بتفرح في ابتلاءات الناس وبقى في لهجة غريبة عمرها ما كانت في ولادنا لهجة توصل بالاستهزاء حتى بمن توفاه الله وفجأه يعطون لنفسهم الحق في محاسبته حين سماع خبر وفاته والمضحك توقعاتهم له الآن وينسون أنفسهم”.

وأضاف متسائلاً: “ليه بقى فيه ناس كتير مشغولين بهدم الآخرين بدلاً من بناء أنفسهم بقى فيه ناس بسهوله ممكن تتخلَّى عن أهلها وعن حب عمرهم وعن مبادئهم في لخبطة غريبة في مشاعر بعض الناس، كبرت أوى روح الشماتة وعدم الرحمة وسطنا حتى الصحاب بقى معظمهم يفكر بسوء نية في الآخر”.

و تابع: “أنا عارف إن ورا كل ده حاجات كتير زي البعد عن ربنا والاستخدام الخاطئ للإنترنت ودخول أفكار غريبة ملوثة علينا وطبعاً سوء التربية وأصحاب السوء أنا واثق إن كل حد فيكم عارف الكلام ده كويس بس تفتكروا بقى إيه الحلول من وجهة نظر كل حد فيكم”.

الكلمات الدلالية لـ تامر حسني يوجه رسالة قاسية للشامتين في وفاة ممدوح عبدالعليم

التعليقات لا يوجد تعليقات لـ “تامر حسني يوجه رسالة قاسية للشامتين في وفاة ممدوح عبدالعليم“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور