داليا البحيري تعلن إصابة زوجها بفيروس كورونا.. وتكشف معلومة مقلقة

15 يونيو 2020 - 4:48ص أحمد غير مصنف 26٬243 مشاهدة

أعلنت الفنانه داليا البحيري، عبر حسابها على “فيس بوك” عن إصابة زوجها بفيروس كورونا.
وكتبت داليا: “أنا هبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقاعدنا في البيت وعقمنا وطهرنا وشجبنا اللي نزل انطلق واتفسح، وأنا والحمد لله راضية جدا بقضاء ربنا سبحانه وتعالى”.


وأضافت: “حسن جوزي وحبيبي طلع إيجابي كورونا ڤايروس، وربنا يشفييه ويعافيه يا رب”.

وكشفت الفنانة معلومة مقلقة عنها وعن الأولاد، وقالت: “إحنا كلنا عاملنا مسحات، أنا والأولاد واللي بيساعدونا في البيت عشان نطمن لأننا كنا مخالطين لحسن، وبإذن الله نعرف النتيجة بكرا بالليل، وربنا يجيب العواقب سليمة يا رب”.


وتابعت: “أنا بقول الكلام ده ليه؟ عشان أي حد لازم يعمل كده لازم يقول وبكل وضوح عشان الناس اللي كانت مخالطة ليهم يعرفوا ويطمنوا على نفسهم، لأن دي أمانة، والمرض مش حاجة الواحد يخجل منها، بشكر كل اللي اتكلم يطمن على حسن وعلينا، وآسفة إن إحنا مش لاحقين نرد عشان متكركبين وبنشوف هنعمل إيه”.


واختتمت: “دعواتكم لحسن بالشفاء العاجل ودعواتكم لينا إننا نكون بخير، ألف شكر، وربنا يسلمكم جميعا ويحفظكم من كل شر”.


يشار إلى أن سامي هو الزوج الثالث للممثلة. فقد تزوجت للمرة الأولى من فريد المرشدي حفيد الممثل الراحل فريد شوقي، وأنجبت منه إبنتها الوحيدة قسمت قبل طلاقهما.
وارتبطت بعد ذلك برجل أعمال وأنجبت منه طفلة تدعى خديجة، إلا أنها توفيت في شهرها الثامن.

الكلمات الدلالية لـ داليا البحيري تعلن إصابة زوجها بفيروس كورونا.. وتكشف معلومة مقلقة

التعليقات لا يوجد تعليقات لـ “داليا البحيري تعلن إصابة زوجها بفيروس كورونا.. وتكشف معلومة مقلقة“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور