رسالة من زوجة أمير طعيمة لـ”الأهلاوية”: “مفيش تربية ولا أخلاق”

24 فبراير 2019 - 11:45م أحمد عربى، مشاهير القاهرة - كل النجوم 330 مشاهدة

وجهت الفنانة المعتزلة جيني طعيمة زوجة الشاعر الغنائي أمير طعيمة، رسالة إلى جمهور الأهلي بعد شنهم هجوم على  زوجها، الذي أعلن كرهه للنادي الأهلي، وندمه على أحد أغانيه التي كتبها له بسبب الشتائم التي وجهونها له.

كتبت “جيني” عبر صفحتها بموقع “فيسبوك”: “لما توصلوا راجل طول عمره سيرته عطرة وبيحترم الصغير قبل الكبير والفقير قبل الغني، والضعيف قبل القوي”.

وأضافت: “وأنا شخصياً عشت معه تحت سقف واحد وأتعلمت منه كتير عن احترام الغير احترام النفس ياما اختلفت منه ولسه هنختلف لكن لا عمري سمعته، بيسب ولا بيشتم ولا متلون ووطني حتي النخاع لدرجة إني ياما عملت مشاكل بسبب مواقفه مع ناس من وجهة نظري حقيرة والزمن أثبت ده”.

وتابعت: “لما توصلوا راجل ما بيبخلش على حد بوقت ولا مجهود عشان يمتعكوا علي حساب بيته وولاده، ويتشتم وهو مش طرف في منازعات ولا بيشجع لا أهلي ولا زمالك ولا فريق غير المنتخب الوطني ده اسمه إيه”.

واختتمت كلامها قائلة: “اسمه إن مفيش تربية ومفيش أخلاق، بالمناسبة أنا زمالكاوية ولا فارق معايا لا أهلي ولا زمالك، دي حاجة اسمها رياضة، والكرة لعبة زي أي رياضة، بس واضح إنكوا عاوزين تكرهونا في أي حاجة ولو بسيطة بتسعد الناس، علي الماشي كده، الأخوة اللي بيقولوا علينا بوابين، وماله دي مهنة شريفة ومش عيب”.

 

 

 


انضم إلى “شات كل النجوم” وبدون تسجيل

 

 

وكان أمير طعيمة، قد هاجم جمهور النادي الأهلي، بعد أن شنوا هجومًا عليه والإساءة له.

وكتب أمير عبر صفحته الرسمية بموقع التواصل الاجتماعي “فيس بوك” قائلا: “الناس كلهم عارفين إني مش أهلاوي ولا زملكاوي وإن كان احترامي للأهلي ككيان احترام كبير، وعشان تفهموا اللي هقوله كويس لازم تدخلوا على صفحتي الرسمية وتشوفوا تعليقات جمهور الأهلي المحترم على آخر بوست رغم إنه بوست فني”.

وأضاف: “المختصر المفيد أنا حاليًا ما بكرهش في حياتي قد الأهلي طالما ده جمهوره، هتقولي قلة؟ هقولك لا.. مفيش تعليق واحد يتوصف بالاحترام لا على فيس بوك ولا تويتر”.

وتابع: “بعلن ندمي واعتذاري لنفسي على أغنية نادي المبادئ اللي أهديتها للخطيب في حملته الانتخابية، اللي مش عاجبه الكلمتين دول يخرج من عندي عشان ما أخسرش حد على موضوع تافه”.

اختتم حديثه: “ملحوظة مهمة أنا عمري ما اتكلمت عن الأهلي أو غيره بعدم احترام، بس طبعا ده كان ياما كان”.

 

 


انضم إلى “شات كل النجوم” وبدون تسجيل

الكلمات الدلالية لـ رسالة من زوجة أمير طعيمة لـ”الأهلاوية”: “مفيش تربية ولا أخلاق”

التعليقات لا يوجد تعليقات لـ “رسالة من زوجة أمير طعيمة لـ”الأهلاوية”: “مفيش تربية ولا أخلاق”“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور