ريهام سعيد عن الحكم بحبسها: ده أمر من فوق.. وكنت فاكرة إني مسنودة

1 مارس 2016 - 3:44م sara عربى القاهرة - كل النجوم 1٬938 مشاهدة

في أول تعليق على الحكم بحبسها عام ونصف، بتهمة السب والتشهير بالفتاة المعروفة إعلاميا بـ “فتاة المول”، عبرت الإعلامية المصرية ريهام سعيد عن حزنها الشديد، إزاء هذا الحكم.

ريهام كتبت على حسابها على “الفيس بوك”: “انهارده بلدي كرمتني.. بعد ١٣ سنه بعالج كل الناس و بخدم كل الي حواليه. بعد ١٢ سنه فتحت مدرسه لذوي الاحتياجات الخاصه وعالجت الاف الأطفال بفضل الله مانمتش وماكلتش حتي فلوس والله ما اخدت. ضيعت عمري عشان اعمل حاجه للبلد دي. ضيعت حلم التمثيل الي تعبت فيه فالجامعة عشان ماسيبش الناس الغلابه. كنت مآشيه عكس التيار عشان أقول الحق. اخدت انهارده سنه ونص سجن. كنت بلف العالم أدور علي علاجات جديده للناس الغلابه وعمري ما قصدت ولا حاولت أشهر بحد. الاعلام مفهوش حاجه اسمها ستر مع أني ماتكلمتش لحد دلوقتي. ساعات الحقيقه بتكون فضيحه. كل الناس الي بتغلط وتشتم وتشهر بجد نجوم دلوقتي. المحامي بيقولي ده امر من فوق. فوق فين؟. كنت بقول تحيا مصر ويحيي العدل فين العدل؟ ريهام سعيد مجرمه لكن مرتضي مثلا عمره ما شهر بحد. خساره يا بلدي خساره مجهودي خساره يا مصر”.

ريهام سعيد - بارزة

وتابعت: “فاكره لما كنت بنزل العريش لوحدي و اروح الإنفاق لوحدي ومن غير تأمين وأقول عشان بلدي. فاكره لما رحت القدس أقول للفلسطينيين احنا معاكوا و مصر معاكوا ووقفت ادام الرصاص عادي و أقول عشان بلدي. فاكره لما جهزت مستشفي أطفال مصر و خليتها تعمل أضعاف العمليات لاطفال الي كانوا بيموتوا و أقول عشان أطفال بلدي. صرفت كل مليم معايه علي الغلابه حسابي في البنك صفر و أقول عشان بلدي. كنت بقول لا دي مش بتمثل بنات مصر دي بتكدب برضوا عشان بلدي. فشلت في حياتي الزوجيه لأَنِّي ماكنتش بروح البيت نايمه في عربيه بلف علي المستشفيات كان نفسي يكون عندي أطفال اكتر فضلت أني بفضل الله احيي أطفال غيري. اول مره احس أني غلطانه في حق نفسي. كنت فاهمه ان الي بيعمل صح و بيقول الحق حتي لو علي رقبته بلده بتكرمه. صعبان عليه نفسي اوي منك يا مصر. كل ده عشان مش مسنوده. كنت فاكره أني مسنوده بحبي ليكي و اخلاصي لشعبك. ايوه معملتش علاقات و لا أتوددت لحد. حبي للجيش والشرطه كان من القلب”.

واختتمت كلامها: “الي قتل زينه اخد سبع سنين و الي رمي ميه نار شوه البنت اخد ٥ و مني عراقي صورت الناس من وراهم و قالت عليهم لمؤاخذه اخدت براءه. والي افترت علي الراجل وقالت متحرش وبتوزع صورها عريانه بطله. والي بيشتم في مصر والريس والجيش بيقدم حفله الايميز وعايش ملك والسفله نواب مجلس شعب والعاهره والراقصه هانم. و الاعلاميين الكذابين نجوم..ياما اتشهر بيه و بولادي ولا اخدت حقي. دي المره الرابعه الي اتحاكم فيها. غير ٥٠٠ محضر. رايحه جايه من النيابة. نسيت أقو لكم ان زينه الممثله بتقول أني شهرت بيهاورافعه قضيه و بتحاكم برضوا. تحيا مصر”.

الكلمات الدلالية لـ ريهام سعيد عن الحكم بحبسها: ده أمر من فوق.. وكنت فاكرة إني مسنودة

تصميم و تطوير ورعاية
2018 © سوا فور