سارة درزاوي في أول تعليق على زواج محمد أنور: قالي اتجوزي عشان الاشاعات وراح اتجوز هو.. شاهد

سارة درزاوي عن زواج محمد أنور: قالي اتجوزي عشان الاشاعات وراح اتجوز هو.. شاهد

نشرت بطلة “مسرح مصر” سارة درزاوي مجموعة صور جمعتها بالفنان محمد أنور وعروسه من حفل عقد قرانه، على حسابها الخاص على موقع “انستجرام”.

سارة علقت على الصور بطريقة طريفة، حيث قالت: “قالي اتجوزي عشان الاشاعات تخلص وراح اتجوز هو.. ألف ألف مبروك يا أنور عروستك الحلوة نوران.. ربنا يهدي سركوا و يتمملكوا علي خير.. أنور اتجوز يا جدعااان”.

وأضافت: “يا رب بقي الاشاعات تخلص .. أنور صاحبي و أخويا و عشرة عمر من يجي ١٠ سنين .. و عمر ما كان في أي حاجة بينا أكتر من صداقة و أخوة و عشرة … أي حاجة تانية كانت من خيال المتفرج”.

يذكر أنه قد ترددت شائعات كثيرة حول ارتباط محمد أنور بزميلته سارة درزاوي بعد أن قدما مشهد رومانسي على المسرح، وهو الأمر الذي نفاه كلاهما.

وأكد أنور على عدم صحة هذه الشائعات، من خلال تهنئته لها في عيد ميلادها، على حسابه الخاص على موقع “انستجرام”، حيث نشر صورة جمعتهما، وعلق عليها بقوله: “كل سنه وانتي طيبه وعقبال مليون سنه.. ويارب تتجوزي بقي عشان الناس تصدق اننا مش مرتبطين والله”.

من هي سارة درزاوي:

  • ممثلة شابة شاركت مع أشرف عبدالباقي في عروض “تياترو مصر” عام 2013.
  • ثم قدمت معه أيضا عروض “مسرح مصر” عام 2015.
  • أثارت جدلا واسعا بخلعها للحجاب، وذلك بعد أن كانت قد التزمت به لعدة سنوات.
  • وكشفت أسباب خلعها الحجاب من خلال تدوينة قالت فيها: “كل واحد منصب نفسه حاكم وإله، مبدأيًا كده لما فكرت مع نفسى لقتني فعلًا عمري ما كنت محجبة، أيوة بعلنها أنا مش محجبة، أنا لابسة ” طرحة” لكن مش محجبة، لا لبسى ولا تصرفاتى تدل على كده، زمان لما حد كان يسألني ممكن أقلع الطرحة ولا لأ كنت بسرعة بقول لأ، دلوقتى بقول معرفش”.
  • وتابعت: ” بلاقى ناس كتير بتغلط فى البنت اللى بتقلع طرحتها وفى أهلها إنهم ناس مش رجالة، الطرحة مش دليل التربية، كلنا نعرف بنات مش محجبات قمة فى الأخلاق والعكس، وأنا مش عارفة لقلع الحجاب ولا لأ، وعلى فكرة بنات كتير أوي الموضوع ده شاغلها لأن معظمنا لبس الطرحة كعادة ومنظر وسط المجتمع”.