على طريقة الراقصات .. سما المصري تقصف جبهة تامر أمين وترد على انتقاداته بهذه الصورة !!

هاجمت الراقصة الاستعراضية سما المصري، الإعلامي تامر أمين، بسبب توجيهه انتقادات لتصرفاتها وملابسها.

ونشرت “المصري”، صورة تامر أمين، برفقة الفنانة اللبنانية ليال عبود، معلقة عليها: “طب ما الباشا حلو أهو وبيتصور مع مزز وكمان بيحضنها من وسطها ماعرفتكش أنا كده يمكن بيسندها لا تقع؟”.

وتابعت في تغريدة لها على الصورة: “أومال بس قالب دماغنا وبتشتم اللي بتلبس عريان والستات اللي لبسها أوفر هتدخل النار والشرف والأخلاق والمبادئ وكلام في الدين مالك ومال الدين أنت ما تخليك في سهراتك وفضايحك دي وسيب كل واحده في حالها ولا الواحد اللي بيسرق فاكر كل الناس حراميه زيه؟.

وأضافت الراقصة الاستعراضية: “عمال تقل أدبك وتقول هم المصريين جابوا فلوس الفسيخ منين وانت مالك أنت هو أنت حد سألك جبت فلوس سهراتك اللي بتسهر بيها وبتتصور مع الفسيخ الزفر اللي معاك دي منين؟ ولا هم ستات مصر وحشين ولبسهم مش محترم وتقعد تشتم فيهم وستات الأجانب لبسهم حلو ومحترمين؟ آه ياابو وشين يا بتاع سهرات النسواااان العريانه اظهر وبان يابتاع النسوان الشمال احضن ياحبيبي احضن”.

أنهت رسالتها قائلة: (احضن ياحبيبي احضن.. هتقول فوتوشوب هجيبلك السبكي نفسه يشهد عليك انك كنت سهران معاهم وانت اللي طلبت انك تتصور مع الوليه دي واسمها ليالي عبود من لبنان ودي وليه قد امك وانت بتحب الستات الكبيره كمان وكنتوا سهرانين في شيراتون وممكن اقول اكتر من كده بس انا باستر ع الولايا اقصدها هي مش انت ماتفهمش غلط….هههههه.. تاني نقول ياتامر ياامين البس عشان خارجين.. نيهااااا.. فوتوشوب شوب دا ياتوتو؟).

يذكر بأن الإعلامي المصري تامر أمين معروف بهجومه على الفنانات بسبب لباسهن وخصوصاً الراقصات مثل فيفي عبده وهيفاء وهبي وصافينار.