كندا حنا ترد على منتقديها: لن أرتدي ماركات كي أرضي جمهوري .. شاهد

ردت الفنانة السورية كندا حنا، على الانتقادات التي تعرضت لها مؤخرًا بعد نشرها صور لجلسة خاصة برفقة زوجها وأولادها فارس والتوأمين كاتاليا وكرستين، بسبب ملابسها الشفافة.

كندا حنا، قالت في رسالة وجهتها لمنتقديها عبر صفحتها الشخصية بموقع “إنستجرام” : «لكل الناس اللي عم تسلني عن كتير شغلات راح جوابكن عليهن بكل احترام وحب، وعادة يقولولي لا تردي بس لأني بحترم رأي الأشخاص إللي بينتقدوني وهني موجودين على صفحتي بقول أنا بنت سورية من أم وأب سوريين، خلقت بقرية بسيطة ناسها طيبين، أهلي علموني كيف أبني شخصيتي بنفسي مثل كل البنات ولكبرت وصرت ممثلة وصارت مهنتي ممثلة بس هاد الشيء ما بيعني أني صرت متقيدة ولازم تكون كل صوري مأخوذة بطريقة بروفيشنال أو أماكن كلها واو لتنبهروا».

وأضافت: «أنا بنت عايشة بسوريا مع أهلي وعيلتي ومبسوطة ومثلي مثل كل البنات السوريات بلبس من نفس المحلات لي بيشتروا منها تيابنهون، واذا عجبتني الشغلة عن البسطة بشتريها أمي وأخواتي يساعدوني أحيانا شو ألبس وشو جيب  ما عندي مصممة أزياء ولا بلبس ولادي من افخم الماركات اللي أساسًا مو موجودين بقائمة حياتي».

واختتمت رسالتها قائلة: «حسابي على انستجرام هو مجرد مكان بعبر فيه عن كندا…ومنو بحب أتواصل معكن بعفوية مطلقة مارح أعمل جلسات تصوير لتابعوا الموضة ماني عارضة ازياء ولا مطربة… انا ممثلة وشغلي لعملي كممثلة بينحصر اثناء العمل فقط».

كندا حنا كندا حنا كندا حنا كندا حنا