“ليه ‏حابب تكرّه الناس فيك”… شقيق ياسمين عبد العزيز يهاجم محمد رمضان

13 فبراير 2020 - 11:34م أحمد عربى، مشاهير القاهرة - كل النجوم

علق الفنان المصري وائل عبدالعزيز، شقيق الفنانة ياسمين عبدالعزيز، على أزمة الفنان محمد رمضان، مع قائد الطائرة والذي أقيل بسببه، خاصة بعد التصريحات الأخيرة التي أطلقها والفيديو الساخر الذي نشره مؤخرًا عبر صفحته الشخصية بموقع “إنستجرام”.

وائل عبدالعزيز، قال في تدوينة عبر صفحته الشخصية بموقع “فيس بوك”: “يا ابني انت بتعمل كده ليه.. ناقصك إيه عشان تبقي بالدماغ دي!!! ربنا أداك نعمة وحب الناس وقبول.. وأنا اشتغلت معاك ابن حلال مكنتش كده خالص وكنت ابن بلد وجدع وكنا صحاب وآكلت معاك عيش وملح كتيًر وليك علّيا اني انصحك وهقولك الكلام ده هنا لانك مختفي عننا وعن زمايلك كلهم وبردو منعرفش السبب”.

وأضاف: “أنت فاهم معني الكلام الي انت كاتبه ده ايه!!! .. انك بتستهزء وبتتشفي في بني آدام خسر شغله بسببك ولو حتي بتتريق علي الناس الي فصلته كلتا الحالتين مش صح .. انت ليه حابب تكره الناس فيك … ايه الحلو في الي انت بتعمله ده عايز افهم .. متركز في شغلك ونجاحك وتمثيلك بدل الهبد ده.. عيب يا محمد يا رمضان عيب وروح راضي الراجل ده عشان الناس تحترمك الراجل غلط وانت كمان .. بس وقوفك جنبه هيغير كتيًر عند الناس صدقني !!؟ ومش عيب يبقي ليك مستشار إعلامي يقولك تكتب ايه وايه لا .. عشان في كلام مينفعش يتقال يا محمد”.

وكان محمد رمضان قد نشر فيديو عبر صفحته الشخصية بموقع “إنستجرام”،  يظهر فيه وهو على سرير المرض وكأنه يخضع لجراحة، وعلق عليه قائلًا: “الدكتور اللي صورني وقفوه عن العمل مدى الحياة” الأمر الذي فسره البعض بأنه سخرية من كابتن أشرف أبو اليسر قائد الطائرة.

الكلمات الدلالية لـ “ليه ‏حابب تكرّه الناس فيك”… شقيق ياسمين عبد العزيز يهاجم محمد رمضان

التعليقات لا يوجد تعليقات لـ ““ليه ‏حابب تكرّه الناس فيك”… شقيق ياسمين عبد العزيز يهاجم محمد رمضان“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور