ماذا قالت إيمي سالم في أول تعليق لها بعد طلاقها؟

18 يناير 2017 - 10:06م sara عربى القاهرة - كل النجوم 3٬560 مشاهدة

في أول تعليق لها على انفصالها عن زوجها الفنان اللبناني غسان المولى، عبرت الفنانة المصرية إيمي سالم عن استيائها الشديد من إحداث الخبر هذه الضجة الكبيرة.

إيمي كتبت، على حسابها على “الفيس بوك”: “اولا.. احب اشكر ال 412 Missed call اللي جولي في خلال ساعتين و ال 1293 message.. ثانيا : كنت بفضل خبر انفصالي عن ابو اولادي ما يخدش الحجم الاوفر ده … لا احنا اول ناس و لا اخر ناس تنفصل … و مهما كان احنا عشره عشر سنوات نتج عنها ثلاث صبيان اللي لسه مايعرفوش خبر الانفصال في حين ان الوطن العربي كله عرف و ده حاجه مخلياني في غايه الاستياء”.

ايمي سالم وغسان مولي

وتابعت: “ثالثا: ارجو عدم التحدث في هذا الموضوع لان في مقوله بتقول ان البيوت اسرار.. بس و اضح ان المقوله دي عمرها الافتراضي خلص.. رابعا: مش من حق اي حد يعرف التفاصيل …. لانها المفروض حاجه شخصيه (المفروض).. خامسا: يا ريت الكلام يبقى علي قد اللي انا بكتبه و ما يخدش حجم اكبر من حجمه لمصلحه الغير .. و ما ننساش ان في اولاد في يوم من الايام هيقروا اي حاجه هتتكتب عن ابوهم و امهم …فيا ريت نراعي ربنا في ده”.

واختتمت حديثها بقولها: “سادسا: سيظل غسان عشره عمري و حبي الاول و ابو احلى ٣ ولاد فياريت لا حد يآلف ولا يبتكر سيناريو لسبب الطلاق .. لانه في الاول و في الاخر نصيب. .. و محدش عارف ربنا كاتب ايه.. سابعا: السوشيال ميديا نقمتها اكبر من نعمتها … و يا ريت الناس تستخدمها في الاطار الصحيح لما صنعت له و ليس لضرر الغير.. ثامنا: ربنا يهديني و يهديه عشان خاطر الولاد قبل خاطرنا{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}”.

ايمي سالم وغسان مولى

الكلمات الدلالية لـ ماذا قالت إيمي سالم في أول تعليق لها بعد طلاقها؟

التعليقات لا يوجد تعليقات لـ “ماذا قالت إيمي سالم في أول تعليق لها بعد طلاقها؟“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور