مكسيم خليل بعد تفجيرات “الراشدين”: كيف هيك أرواحنا رخيصة؟

17 أبريل 2017 - 2:45ص sana عربى، مشاهير القاهرة - كل النجوم 3٬581 مشاهدة

نعى الفنان السوري مكسيم خليل، ضحايا التفجيرات التي وقعت في منطقة الراشدين خلف حلب، قائلًا: “كيف هيك أرواحنا رخيصة عند العالم؟”.

وأضاف عبر صفحته الشخصية بموقع “إنستجرام”: “ناس طالعة من الحرب بدها تعيش مو اكتر.. أطفال بدهن يتعلموا بدهن يلعبوا برات البيت مو اكتر.. كيف هيك أرواحنا رخيصة عند العالم..!! ماشبعتوا اتهامات… ماشبعتو تخوين”.

وتابع: “سبع سنين ولساتكن واقفين عند نفس الرواية…سبع سنين وماحسيتو انو المستهدف هو الدرويش..هو انتو …هو هنن … لك هو نحنا.. نحنا هو السوريين.. سبع سنين وما عرفنا انو أصحاب المعالي والسلطة و رؤوس الأموال ما بيشوفونا اكتر من كيس زبالة..أو حطبة.. سبع سنين ما سألنا حالنا وين المشكلة .. مين المشكلة؟ سبع سنين وما سألت حالها ها لأطراف يلي عمتاكل بعضها.. وينو يلي “عميحميهن” .. بأنو قصر قاعد ..بأنو بلد..بأنو جزيرة … لك نحنا عمنموت وهنن قاعدين ومو صاير عليهن شي و نحنا مصرين ندور على المشكلة بغير محل على مبدأ وين ادنك”.

وأضاف: “هلا بيطلعلي حدا بقلي أنت ماعمتموت أنت عايش برا ومرتاح.. ..وحاج تبيعنا وطنيات وشرف نزيل.. ولك خراس …خراس ..أنا عم موت ميت مرة.. من سبع سنين عم نموت كل يوم مع كل واحد عميستشهد..مع كل معتقل.. مع كل عسكري ورطوه بحرب ما نها حربه.. مع كل طفل مع كل أم مع كل أب ولك مع كل حجر.. أنا سوري اكتر منك ومن معلمك.. مين ما كان يكون معلمك.. وشو ما كانت جنسيته أو طائفته أو ديانته .. اليوم يلي أسعف الناس هو يلي مفكره عدوك يا “وطني”..100 قتيل اليوم و قبله راح كتير وقيمتن عنا هي نفسها.. بس عندن انتو أرقام ….وباللحظة يلي رح تقلبوا عليهن.. رح تصيرو عدو متل يلي قبلكم…الكلام لكل طرف عنده استعداد يعمل هيك جريمة بدم بارد.. ويوافق على قتل سوري تاني.. مشان ما يطلعلي كمان شي محلل تاني ويتذاكا ونحنا عمنسبح بالدم”.

يذكر أنه تم تفجير سيارة مفخخة استهدفت منطقة تجمع الحافلات التي تنقل أهالي بلدتي كفريا والفوعة، الشيعيتين، في منطقة الراشدين غرب حلب، وسقط 100 قتيل جراء الانفجار.

الكلمات الدلالية لـ مكسيم خليل بعد تفجيرات “الراشدين”: كيف هيك أرواحنا رخيصة؟

التعليقات لا يوجد تعليقات لـ “مكسيم خليل بعد تفجيرات “الراشدين”: كيف هيك أرواحنا رخيصة؟“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور