مي حلمي باكية: هيتحجز على بيتي.. وجوزي محمد رشاد هيتحبس.. تعرف على التفاصيل

8 يوليو 2020 - 9:31م أحمد منوعات

كشفت الإعلامية المصرية مي حلمي تفاصيل أزمة زوجها الفنان محمد رشاد مع أحد المنتجين، حيث أن زوجها مطالب بدفع 5 مليون جنيه.

مي قالت إنه نظرا لتعثر زوجها في الدفع فهو مهدد بالحبس، كما أنه تم إبلاغها أنه سيتم الحجز على شقتهما.

الإعلامية المصرية نشرت مقطع فيديو، على حساها على “انستجرام”، قالت خلاله باكية: “تخيلي تصحي من النوم تلاقى حد بيكلمك يقولك انا جاي احجز على بيتك وأثاث بيتك، كفايه وقف حال فينا طول 4 سنين انا كمان تضررت فيهم بسبب علاقات شخص يرغب في أذية محمد رشاد”.

وأضافت: “بدعم جوزي وبقول كفاية وقف حال فينا، فيه قضية والشرط الجزائي 5 ملايين.. واحد لسه بيبتدي حياته ده 30 سنة، حاول يكلم ناس كتير ويقسط المبلغ، لكن التاني كل اللي همه إنه يشوف البني آدم الطيب ده محبوس”.

وتابعت: “ليه هخبي حاجة زي دي النهاردة وأنتوا شوفتوا بدايتنا مع بعض وحبنا وخناقتنا وكل حاجة، تخيلي تصحي من النوم في بيتك اللي انتي تعبتي عشان تبنيه حد بيقولك إنه هيحجز عليه”.

وأكملت باكية: “كفاية 4 سنين وقف حال فيه وسنتين فيا، وأنا مكنتش أعرف، بسبب علاقاتك وأصحابك بتكلم فلان إني مشتغلش، تعالى خد اللي أنت عايزه، بس سيبنا في حالنا، لما أنت كارهه مضيت معاه ليه، مالك ومال شغلي مالك ومال حياتي، هو عايز ينفذ حكم على رشاد بسبب الغنا، رشاد عنوانه في طنطا مالك ومال بيتي؟”.

وكشفت: “جه عايز يكسر الباب هنا بدون سابق إنذار، ليه عايز تحبسه ليه عايز تأذيه وتأذينا في اسمنا وشغلنا وحياتنا، عشان شرط جزائي غنا في عقد 4 سنين كفاياك وقفت حاله”.

يذكر أن مي حلمي ومحمد رشاد قد تعرضا لأزمة شديد قبل زواجهما، حيث أنه قبل ساعات من انطلاق حفل الزفاف الأول لمي حلمي ومحمد رشاد، تم إلغائه، وجاء هذا الخبر صادما لجمهورهما خاصة وأن كل منهما كان نشر صورا له أثناء استعدادهما لحفل الزفاف.

الثنائي لم يتحدثا عن تفاصيل الخلاف الذي حدث يوم الزفاف، وقالت مي بعدها إنها تعرضت للعديد من الشائعات ولكن الله سيعوضها وبالفعل عادت لمحمد رشاد بعد خلاف الأسرتين.

الكلمات الدلالية لـ مي حلمي باكية: هيتحجز على بيتي.. وجوزي محمد رشاد هيتحبس.. تعرف على التفاصيل

التعليقات لا يوجد تعليقات لـ “مي حلمي باكية: هيتحجز على بيتي.. وجوزي محمد رشاد هيتحبس.. تعرف على التفاصيل“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور