مي كساب تبكي بعد الولادة: مش عارفة أعمل أيه

مي كساب

بدأت الفنانة المصرية مي كساب، معاناتها مع الأمومة بعد إنجابها لمولودتها الأولى فريدة، من زوجها مطرب المهرجانات محمد صلاح الشهير بأوكا.

مي كساب، قالت عبر صفحتها الشخصية بموقع «فيس بوك»: «أول ما أهل جوزي بيمشوا من البيت بأحس أني اتعريت بجد مش عارفة من غيرهم كنت عملت إيه.. اديني قاعدة أهو عاملة زي العيلة الصغيرة وماسكة في إيدي عيلة صغيرة وببقي محتاسة وبحاول أقوي نفسي طول الوقت واعمل فيها جامدة بس أنا كدابة ولا طلعت جامدة ولا أي حاجة».

وأضافت: «بعيط لما بتعيط، وبعيط لما بقعد بيها لوحدي، صح محمد حرام بيعمل اللي عليه وبيطلع يشيلها معايا ساعتين عشان أنا أنام فيهم، بس أول ما بينام وأفضل أنا برضه بيها لوحدي بأفضل أعيط زي العيال، ما أنا عيلة ومن غير حضن أمي».

وتابعت: «ياااااااه يا أمي سيبتيني بدري قوي وأنا عيلة ومحتاجالك قوي كنت فاكرة نفسي جامدة، طلعت فستك خالص بحاول أبقى أم وأنا من غير أم صعب قوي إحساس مش هيحسه غير اللي زيي وبس الله يرحمك يا أمي يا طعم الحياة يا كل الحياة».

مي كساب وابنتها ووالد اوكا مي كساب وابنتها ووالد اوكا

مي كساب مي كساب