نادين نسيب نجيم تفتح النار على منتقدي شكل فكها.. وتشبه نفسها بالأجانب.. صور

أبدت الفنانة اللبنانية نادين ناسيب نجيم استيائها الشديد من الانتقادات التي توجه لها والتي تسخر من شكل وجهها، خاصة “فكها”.

نادين نشرت صورة لها بجوار صور لعارضات أزياء أجنبيات لديهن نفس شكل الفك، وعلقت عليها، قائلة: “بعتقد بكفي حكيتوا كتير عن موضوع شكل وجي وأخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي و بتعلقوا على حنكي بالوقت يلي بتنفحطوا وبتجنوا بجمال الأجانب وهيدي الصورة حطيتا ليش حلال على الأجانب و عليي انا لأ !”.

واستطردت: “تتشوفوا عقدة البعض مني انا تحديداً وكأني الأولي والأخيرة هيدي انا هيدا شكلي وكتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا وانا ما عم رد ولا رح غير شكلي كرمال حدا هيك انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم !”.

وأضافت: “وشو المقصود من كل هل حكي غيّر حالي؟ مستحيل !!! تأثروا على نجاحي على ثقتي بنفسي؟ مستحيل !!! تغيروا رأي العالم يلي بحبوني وبشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن !! مستحيل مستحيل بدكم تجيبوا لايك و فولورز؟ اي ممكن بس نصيحة ما شايفين أني ماشية بطريقي والمحبين والمعجبات كتار لوين بدكم توصلوا؟ ما شايفين غيري بكل الوطن العربي؟ بعرف هيدي ضريبة النجاح بس اذا انا بنت بلدكم وهيك عم تعملوا فيي شو خليتوا لغير عالم “.

واختتمت حديثها، قائلة: “هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت و يبلعها و ما يحكي الحق ! انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي و تركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني #صرعتونا”.

وكان نشطاء مواقع التواصل الاجتماعي قد تداولوا صورة قديمة لنادين نسيب نجيم، والتي كشفت عن خضوعها لعملية تجميل لنحت الذقن، وهو ما أظهرها بالشكل التي تظهر عليه حاليا.