هاني سلامة: عشت تجربة لن يستطيع أي شخص الإحساس بها سوى مع زوجته.. فيديو

استعاد الفنان هاني سلامة، أنه كان قد اتخذ قرارًا لن يستطيع أي شخص تحقيقه سوى مع زوجته فقط، وهو أن يدخل مع زوجته غرفة العمليات أثناء إنجابها لطفلتها الأولى مريم.

هاني سلامة، قال خلال استضافته في برنامج “فحص شامل”، مع الإعلامية راغدة شلهوب، على فضائية “الحياة”: “في موقف تاني كمان كان بالنسبة لي تجربة منسهاش في حياتي، مفيش حد هيشوفها في الدنيا لايف إلا مع مراتك، يعني حضرت ولادة بنتي الأولانية ودخلت مع مراتي أوضة العمليات كان بالنسبة لي الموقف، السمع حاجة وأني أشوف حاجه ثانية، كان بالنسبة لي تجربة عمري ما أنساها في حياتي”.

وأضاف: “أتقال لي إن في رجالة بتخاف تدخل الأوضة مع زوجاتهم، الدكتور والمساعدين في الأوضة كانوا ماشيين ورايا في الأوضة وبيقولوا لي خايفين لحسن تقع، الموضوع كان بالنسبة لي خبرة وحاجة عايز أشوفها، ومش هاعرف أشوفها غير مع مراتي، فهي تجربة صعب تتشال من ذاكرتي، وعملتلي ميكس في قلبي حاجات كتير خضه على مراتي وفرحة أنك بتشوف حته منك بتطلع للنور”.