أحمد حسن في زيارة لأبنة البواب الأولى على الثانوية العامة.. ويهاجم الإعلام بسببها: لو كانت بتتعرى كنت جريتوا وراها.. صور

17 يوليو 2017 - 3:28ص sana عربى، مشاهير القاهرة - كل النجوم 16٬946 مشاهدة

أحمد حسن في زيارة لأبنة البواب الأولى على الثانوية العامة.. ويهاجم الإعلام بسببها: لو كانت بتتعرى كنت جريتوا وراها.. صور

شغلت الطالبة مريم، الأولى على الثانوية العامة المصرية بتقدير 99%، ابنة حارس عقار بمدينة مصرن الرأي العام منذ إعلان نتيجة الثانوية العامة واستضافتها معظم برامج التوك شو.

مريم التي لم تخجل يومًا من مهنة والدها وجهت رسالة لزملائها قائلة: “أنا بقول لزملائي في المدرسة أبويا بواب ، مفيش كسوف من مهنة أبويا ..معنديش مشكلة،  .انا جبت 99% ، مَش عشان ادخل كلية الطب، أنا ذكرت وسهرت وتعبت ومكنتش بشوف النوم ..عشان حاجة واحدة بس ، علشان افرح أبويا وأمي و بس”، مريم أجبرت الجميع على احترامها وتقديرها وقام اللاعب المصري السابق أحمد حسن بزيارتها هي وعائلتها.

أحمد حسن نشر صور من الزيارة عبر صفحته الشخصية بموقع «فيس بوك»، وعلق على الصور قائلًا: “يوم مع الدكتورة مريم وعائلتها، حابب أتكلم عن نموذج مشرف ومحترم وهقول اللي أنا حاسه وهتكلم من قلبي ، شوفت الصديق سامي عبدالراضي أول ما نزل قصة مريم ونجاحها في الثانوية بنسبة 99% وهي بنت حارس عقار بسيط، ولكنه كبير مقاما وعفيف النفس اتصلت مباشرة علي سامي وقولتله عايز ازور مريم وأبوها، وشوفت أد اية مريم فخورة بابوها وأمها وأهلها كلهم ، وهم دول فعلا اللي يتقال عليهم ولاد الناس مش زي ما المجتمع المريض بيصور الناس دايما بالمظاهر الكدابة هما ولاد مين وللا لابسين اية والا راكبين اية ، وده للأسف أصبح حال مجتمعنا الردئ”.

وأضاف: “بس ولاد الناس الحقيقيين هما اللي عرفوا يربوا ولادهم ، ولاد الناس هما اللي بيحافظوا علي قيمهم ومبادئهم وأهاليهم ، ولاد الناس عمرها ما كانت بالمظاهر الكدابة، وبما إن ده مجتمعنا وأصبحت دي نظرة المجتمع فنفس الشيء ينطبق علي إعلام أعمى عن رؤية النماذج المشرفة ، تفتكروا حد النهاردة هيجري ورا مريم ويدفعلها فلوس عشان يستضيفها ويطلعها كنمودج مشرف فهي بنت حارس العقار البسيط وعندها أربع إخوات وفي غرفة واحدة قدرت تتحدى كل الصعوبات دي وتجيب 99%، أكيد محدش هيعمل كدة عشان أصبحنا في زمن التفاهات والهلس ، نموذج زي مريم أكيد ما يجروش وراه ، لكن طبعا يجروا ورا نماذج التعري التانية، اللي كل ما تتعرى اكتر يدفع لها اكتر، فتتعرى اكتر فيدفعلها تاني اكتر، وللأسف هو ده بقى حال مجتمعنا وإعلامنا”.

وتابع: “طب ما أنا عندي فكرة ما نقدم نموذج زي مريم، ويبقى عندنا نموذجين نموذج للتعري ونموذج محترم تحدى كل الصعاب ونسيب الناس هي اللي تختار ،ومش كدة وبس دا المفروض إنهم يجروا علي مريم ويدفعولها بالدولار وهي اللي تتنك عليهم لأن مريم هو النموذج المفترض اللي نقدمه لولادنا ومجتمعنا علشان ننشئ مجتمع سوي مش نقدم النماذج الهلس، مبسوط جدا النهاردة إن أنا زرت العيلة دي وأنا فخور ببنت زي دي وبعيلتها، ليا صور كتير بعتز بيها وبكون فخور بيها ولكن الصورة دي هحتفظ وأتشرف بيها وكمان هكتب تحتها شكرا لمريم إنها اتصورت معايا عشان والله ومن قلبي أنا كنت أتمنى إن نموذج مريم ده تكون أختي أو بنتي ، بإصرارها وعزيمتها وطبعا أدبها وأخلاقها وتربيتها عشان كنت هطلع وأقول دي اللي شرفتني، أكيد في مئات زي مريم ، محتاجين حد يظهر النماذج دي عشان نعلم ولادنا معنى النموذج المحترم، شكرا للدكتورة مريم ، وشكرا للحاج سعيد الراجل المحترم … وهما دول الناس الحقيقيين وهما دول ولاد الناس الحقيقيين”.

شاهد أيضًا حليمة بولند تكشف سر عدم تقبيلها الإعلامي اللبناني ميشيل قزي في “الموريكس دور

الكلمات الدلالية لـ أحمد حسن في زيارة لأبنة البواب الأولى على الثانوية العامة.. ويهاجم الإعلام بسببها: لو كانت بتتعرى كنت جريتوا وراها.. صور

التعليقات لا يوجد تعليقات لـ “أحمد حسن في زيارة لأبنة البواب الأولى على الثانوية العامة.. ويهاجم الإعلام بسببها: لو كانت بتتعرى كنت جريتوا وراها.. صور“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور