بالفيديو.. طارق الشناوي: رامز جلال فشل في فيلمه الأخير و ما يقدمه ليس مقلبًا لأنه متفق عليه وهاني رمزي على قده

1 يونيو 2016 - 10:20م sana غير مصنف القاهرة - كل النجوم 9٬656 مشاهدة

انتقد الناقد المصري طارق الشناوي، انتشار برامج المقالب التي زادت في الفترة الأخيرة، ورامز جلال أشهر شخص قام بهذه البرامج، فهو قد جنى على نفسه في السينما.

طارق الشناوي، قال خلال حلقة برنامجه “حكايات فنية”: “إن رامز جلال فشل في فيلمه الأخير “كنغر حبنا”، لم يحقق أي إرادات بسبب إن رامز مش قادر يتخلص من شخصية بتاع المقالب في رمضان، مقدرش أنكر كثافة مشاهدة عالية بيحققها رامز جلال في برامجه، بدليل المبالغ الضخمة التي يحصل عليها، ليس فقط هو، بل أيضًا لمن يشاركوه في البرنامج من الضيوف”.

رامز جلال

وأوضح حقيقة برامج المقالب التي يقدمها رامز، قائلًا: “طبعًا اللي بيعمله رامز مش مقلب، ما يحدث يتم باتفاق مسبق، هو مش مقلب على الفنانين أو الضيوف اللي بيشاركوا، لا هو مقلب علينا، عشان إحنا بنصدق”.

رامز جلال ستيفن سيجال

وتابع: “الناس نفسها تتفرج على الفنان في لحظة على طبيعته، فيقولك ألحق فلانة شتمت، الفنانة اللي بنشوفها وقورة في التليفزيون تلاقيها شتمت، يقوم الجمهور يتبسط بسبب الشتائم بالأب والأم والبصق والضرب اللي بيحصل، فالجزء الأساسي في برامج المقالب إن إحنا كجمهور متواطئين، أنا نفسي متواطئ زيّكم، لأني بتفرج برضو، وأنا بقول الكلام ده لأننا يمكن أما نعرف إن الفنان بيخدعنا نغير رأينا شوية، مع إني أشك، برضو هنفضل نتفرج على البرامج دي”.

رامز جلال

كما علق على برنامج الفنان هاني رمزي، بداية من رمضان الماضي، فبين أن “هاني على قده، رامز مثلًا بيلعب بالملايين، وعشان كده بيجيب النجوم اللي بياخدوا ملايين، وهنشوف ده في برنامجه الجاي “رامز بيلعب بالنار”، في تكلفة إنتاجية عالية فعلًا، لكن هاني مش بيستضيف غير نجوم صف تاني، وبرنامجه “هاني في الأدغال”، الذي سيقدمه في رمضان تقلص إنتاجه أكثر”.

وأضاف: “هاني رمزي أفلامه مؤخرًا لم تكن على المستوى، وكنا متعودين إنه بيظهر كل رمضان بمسلسل وبإعلان، لكن ده انتهى مؤخرًا، لذلك هو الآن يتشبث بآخر شيء وهو برامج المقالب، لكنه مش واخد باله كمان إنه بيلعب في دوري الدرجة التانية مع الضيوف و الجمهور، مش دوري الدرجة الأولى زي رامز جلال، وهاني رمزي ممثل، وكتبت عنه قبل ذلك أنه طويل التيلة وعنده تنوعات ولكنه للأسف غير مدرك لذلك”.

الكلمات الدلالية لـ بالفيديو.. طارق الشناوي: رامز جلال فشل في فيلمه الأخير و ما يقدمه ليس مقلبًا لأنه متفق عليه وهاني رمزي على قده

التعليقات لا يوجد تعليقات لـ “بالفيديو.. طارق الشناوي: رامز جلال فشل في فيلمه الأخير و ما يقدمه ليس مقلبًا لأنه متفق عليه وهاني رمزي على قده“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور