بعد أزمة “الفلوس”.. أحمد السقا يتصالح مع تامر حسني على مسرح مهرجان القاهرة.. صور وفيديو

3 ديسمبر 2020 - 6:25م sara عربى، مشاهير

بعد الأزمة التي وقعت بينهما مؤخرا بسبب فسلم “الفلوس، تصالح النجمان أحمد السقا وتامر حسني على مسرح مهرجان القاهرة السينمائي.

البداية جاءت عندما طلب الفنان أشرف عبدالباقي من الفنان تامر حسني الصعود على المسرح، وسأله مازحا: “أنت فين بقالك فترة”، ليرد تامر: “كنت مشغول شوية أنا والسقا كنا بنتخانق على الفضائيات”.

فسأله عبدالباقي: “واتصالحتوا ولا لسة”، فقال تامر: “هنتصالح على الفضائيات برضو”، ثم نزل واحتضن أحمد السقا الذي كان غارقا في الضحك، ليعلنا بذلك عن تصالحهما.

وأثناء غناء تامر حسني لأغنية حفل الافتتاح قام بالنزول من المسرح ليرقص مع أحمد السقا وأحمد حلمي.

وكان الفنان المصري أحمد السقا قد تحدث مؤخرا عن حدوث خلاف بينه وبين الفنان تامر حسني، بسبب فيلم “الفلوس”.

السقا قال: “أنا في حد زعلان منه وحتى الآن مقولتلوش، أنا زعلان من تامر حسني.. أنا بحب تامر جدا ولو مش بحبه مش هزعل منه”.

وتابع:”زعلان منه عشان هو في فيلم “الفلوس” كلمني وقالي إنه عايزني أعمل معاه مشهد، وهو الحقيقة كان جاملني في مسلسل “ولد الغلابة”، وعادة بروح حفلات وأقدمه ده العلاقة اللي ما بينا”.

وأضاف: “وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده يا تامر، مرة قالي دول فانز، ومرة قال دول الشركة المنتجة، قولتله أنا معرفش حد منهم أنا معرفش غيرك، ودي أثرت عليا جدا نفسيا وعليا في شغلي”.

وعما إذا كان هذا الموقف قد أثر على علاقته بتامر، قال: “مش هتأثر لو قابلني دلوقتي وقالي كلمتين حلوين الموضوع هيخلص، لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، بس كان شكله مشغول لكن اللي حصل حصل وأنا مسامحك يا تامر لكن مشاكلك كترت”.

وقد عاتبه تامر بعد ذلك عن حديثه عن هذا الخلاف على الفضائيات، وهو ما دفع السقا للاعتذار لتامر، معترفا بخطأه بحديثه عن خلافهما على الملأ.

الكلمات الدلالية لـ بعد أزمة “الفلوس”.. أحمد السقا يتصالح مع تامر حسني على مسرح مهرجان القاهرة.. صور وفيديو

التعليقات لا يوجد تعليقات لـ “بعد أزمة “الفلوس”.. أحمد السقا يتصالح مع تامر حسني على مسرح مهرجان القاهرة.. صور وفيديو“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور