بعد ما حدث لفستانها بمهرجان الفضائيات.. بسمة وهبة: دبحت علشان الحسد.. صور

23 نوفمبر 2020 - 10:15م sara عربى، مشاهير

تعرضت الإعلامية المصرية بسمة وهبة لموقف محرج خلال حضورها مهرجان الفضائيات العربية لتسلم تكريمها، حيث وقع العصير على فستانها، مما أفسد إطلالتها ودفعها لاستبداله.

وفي أول تعليق لبسمة وهبة بعد ما حدث، قالت في تصريحات لبرنامج “et بالعربي”: “اللي حصل يعني مش طبيعي شوية أن ابقى قاعدة وصينية العصير كلها تدلق عليا”.

وأضافت: “أنا مش عارفة لحد دلوقتي الويتر اللي وقعت منه الصينية هل وقعت منه هو ولا كان في حد وراه، لأنه في قصص مختلفة بتقول ان كان في ترابيزة ورانا عليها شباب صغيرين مالهمش علاقة بالحفلة يعني مش من المكرمين ذقوه”.

الإعلامية المصرية أرجعت ما حدث إلى الحسد، وقالت:”بفضل الله عملت دبح، بفدي لانه كويس أنها جت برضوا على كده، وده ممكن يكون عين”.

وكانت الإعلامية المصرية قد أطلت في الحفل بفستان أبيض أنيق بأكمام طويلة، ولفت حزام ذهبي حول خصرها، وارتدت حذاء بنفس لون الفستان.

بسمة وهبة تعرضت لموقف محرج جدا خلال الحفل، وذلك بعدما وقع عصير مانجو وفراولة على فستانها، مما أفسد إطلالتها بشكل كبير.

الإعلامية المصرية عبرت عن صدمتها الشديدة، وأرجعت ما حدث لها إلى الحسد، حيث قالت: “ده فراولة ومانجة الفاكهتين اللي مبيطلعوش من الهدوم.. ده حتى الجزمة والشراب اتوسخوا، الحمد لله يارب”.

بسمة وهبة: “كويس تيجي في دول ومتجيش فيا أنا.. ادخل اتكرم ايه بالشكل ده كده.. مش معقول لا إله إلا الله”.

وسرعان ما تداركت بسمة  الأمر وحاولت التصرف، فقامت باستبدال فستانها، وظهرت على المسرح بفستان آخر باللون الأسود والتقطت صور تذكارية لحظة تكريمها على المسرح.

شاهد على قناتنا:

الكلمات الدلالية لـ بعد ما حدث لفستانها بمهرجان الفضائيات.. بسمة وهبة: دبحت علشان الحسد.. صور

التعليقات لا يوجد تعليقات لـ “بعد ما حدث لفستانها بمهرجان الفضائيات.. بسمة وهبة: دبحت علشان الحسد.. صور“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور