تامر حسنى يدعم جمهوره بمقطع فيديو لفرم الحديد “الصفيحة الصغيرة دى الماكينة مش قادرة عليها”..شاهد

31 أغسطس 2022 - 7:25م منار حسين مجتمع النجوم

تامر حسنى يواصل دعم جمهوره وبث روح التفاؤل والأمل فيهم والقناعة بقضاء الله عز وجل ونشر الفنان تامر حسنى مقطع فيديو عبر حسابه الخاص على موقع التواصل الاجتماعى “انستجرام” .

وجاء الفيديو لإحدى ماكينات فرم المعادن التي أفلت من بين تروسها عبوة معدنية، فيما يتحدث أحد الشيوخ عن الحديث الشريف:

” يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ”.

وعلق تامر حسني قائلا : “الماكينة دي بتهرس عربيات و تبلعها في ٥ ثواني لجوه ولا يمكن شيء يفلت من قوتها، تخيلوا بقى الصفيحة الضعيفة دي كل الماكينة دي مش قادرة عليها”.

 

وتابع تامر: “قد يكون المشهد ده له مبررات فنيه تانيه بس معبر جداً عن المعنى اللي مركبه صاحب رؤية الڤيديو، عجبني، حبيت أشارك بيه مَن يهمه المعنى و كان محتاج يشوفه، أكيد منكم كتير محتاج للمعنى ده عشان يطمنه ويقويه وإلا مكانش اتحرك قلبي عشان انشره لعدد كبير زيكم، صباحكم كله خير”.

ليست هذة المرة الأولى التى يتواصل بها الفنان تامر حسنى ويقدم لهم الدعم النفسى .

دعم تامر حسنى لجمهوره

وجه تامر حسني، عددا من الرسائل لجمهوره حثهم فيها على العمل والسعي وراء أحلامهم وكشف من خلال منشوره عدد المهن التي عمل بها قبل الشهرة.

وقال تامر حسني، في منشور عبر صفحته الشخصية بموقع “إنستجرام”: “قرأت معظم التعليقات على قد ما قدرت على آخر بوست ليا اللي فوق دا، وفهمت أكتر حاجتين من تعليقاتهم عاملين احباط لمعظمكم 1- اليأس من النجاح 2- إحباط المقربين، وبعضكم واصل لفقدان الأمل والشغف وبعضكم فاقد الأمل في الحياة نفسها”

وأضاف تامر: “هطلب طلب منكم قبل اي شيء افتكروا معاناتي في بدايتي وظروفي الصـــعبة من غير أب ومن غير أي فلوس وبنزل أشتغل في الشوارع من عامل بنزينة لسوبر ماركت لفاعل يعني اللي بيبنوا العمارات بطلع طوب وأسمنت عشان أرجع بيتي لأمي الغلـــبانة بأي خمسة جنيه، بالإضافة لمرتب النادي لما كنت بلعب كوره كان مرتبي 22 جنيه في الشهر منهم بقى تحويشة المية والكهربا وعمليات أخويا عشان كان عيان لفترة كبيرة كنت بعمل المستحيل فعلًا عشان أمي وأخويا وعشان اوصل لهدفي”.

كان نفسي أكون لاعب كورة

وتابع: “كان جوايا سعي دائم لطريقين الكورة والغناء وبقول دا عشان ناس كتير عايز أنصحها بالخطة البديلة عشان لو الحلم مجاش يكون في غيره زي ما انا كان نفسي أبقى لاعب كورة والكورة مش ليا والأندية كلها مشوني رغم تفوقي كنت بسأل نفسي ليه الأبواب كلها بتتقفل في وشي أتاريها بتتقفل عشان توجهني لمسار آخر ولما آمنت بكده فهمت قدام إن ربنا كان شايلي الأحسن ليا بس ساعتها مكنتش فاهم”.

وتابع: اإللي بيسأل نفسه دلوقتي يعني أنا أكمل في حلمي ولا أشوف حلم تاني هقوله دايمًا أطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكدلك تكمل أو لا بس اجتهد واتعب عشان المجهود دا ليه كرم متحوشلك في مجالك التاني فاوعى تقول تعبت عالفاضي”.

وأردف: “بالنسبة للمحبـــطين هيفضلوا موجودين انت اللي بتسمعلهم وانت اللي بتسمح إنك تتأثر بيهم امنع دا فورًا متبقاش السبب في أذية نفسك متتشدش غير لكل جميل ولكل إيجابي هتلاقي كل الحلو بيجيلك ومتعملش العكس عشان هيجيلك برضو عشان كدا بقولك إنت السبب دايمًا قول يا رب واجتهد وافهم إن الراحة المطلقة في الجنة بس واحنا على الأرض وربنا قال إنه خلقنا في كبد يعني شقاء عشان يكون عندنا تحدي نكسبه ولازم نكسبه عشان كتير قبلينا كانت ظروفهم أصـــعب ووصلوا يبقى الموضوع فينا، متبقاش أكبر عدو لنفسك، إنت السبب، خد قرار صـــارم فورًا في التغير والنهوض والنجاح، والله هتوصل متسمعش غير لقلبك وسلم قلبك للّي خلقه وتوكل على الله”.

تامر حسني

الكلمات الدلالية لـ تامر حسنى يدعم جمهوره بمقطع فيديو لفرم الحديد “الصفيحة الصغيرة دى الماكينة مش قادرة عليها”..شاهد

التعليقات لا يوجد تعليقات لـ “تامر حسنى يدعم جمهوره بمقطع فيديو لفرم الحديد “الصفيحة الصغيرة دى الماكينة مش قادرة عليها”..شاهد“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور