تعرف على قصة الطفل الذي شارك عمرو دياب الغناء على المسرح لعامين متتالين وسر ارتباطه به.. صور

27 أغسطس 2017 - 2:50م sana عربى، مشاهير القاهرة - كل النجوم 5٬066 مشاهدة

تعرف على قصة الطفل الذي شارك عمرو دياب الغناء على المسرح لعامين متتالين وسر ارتباطه به.. صور

فاجأ الفنان المصري عمرو دياب، جمهوره خلال حفله الغنائي في قرية مراسي بالساحل الشمالي، وشاركه في الغناء الطفل محمد عمرو.

عمرو دياب طلب خلال الحفل الطفل محمد عمرو بالصعود على المسرح وقدما سويا أجزاء من «أجمل عيون»، وأغنية «أول كل حاجة»، و«نغمة الحرمان»، وكان اللافت أن الطفل كان يرتدى نفس رابطة الرأس التي ارتداها عمرو دياب في حفلة السابق في بورتو جولف مارينا.

والطفل محمد عمرو هو نفس الطفل الذي شاركه في حفله السابق في عام 2016، وكشفت شقيقته علا عن سر ظهوره معه العام الماضي وهذا العام أيضًا قائلة: «موضوع محمد أخويا و عمرو دياب في اختصار، السنة اللي فاتت و زي كل سنه بنروح حفلات عمرو و بنقف أول صف، ولا في بالي محمد يلبس إيه عادي لابس تشيرت بيحبه و مستنين عمرو عشان نقضي الحفلات، عمرو أخد باله من محمد في أغنية «علي حبك»، شاوره و بعتله بوسه، لمحه مره تاني بيغني و مندمج شاورله بردوا زي أي حد، في أغنية محمد كان حافظها عمرو أخد باله اكتر و قاله تعالي أنا عايزك، طلع علي الاستيدج و أخر حاجه تخيلتها أنه هيتصور و ينزل بس، اتفجأت انه بيسأله و يقوله حافظ أغاني ايه و عندك كام سنة،و غني «الليلة»، و «خلينا لوحدينا» و «هي عامله ايه دلوقت» و«ايه يعني»،و وياه كان فعلا احلي يوم في حياتي و مفيش اي ترتيب ولا تفكير من اساسه».

وأضافت عبر صفحتها الشخصية بموقع «فيس بوك»: «2017 اقسم بالله ولا كنت رايحة الحفلة ولا معايا تكيت حتي لأنها خلصت من بدري، و محمد نفسه جدا يروح و زعلان لأنه عايز يشوف عمرو و يروح حفله زي ما اتعودنا، حد كلمني يوم الحفلة العصر و قالي في تكيت تيجي بس سعر اكتر و محمد زعلان و عمال يقول يلا نروح قومنا لبسنا و نزلنا رايحين عشان ننبسط بردوا وقفنا أول صف و محمد عامل شعره زي حفله مارينا زي كل الشباب لأنه بيقلد عمرو دايما، طلع عمرو و إذ فجأة يشاور و يبص أوي لمحمد و يقوله أنت تاني مش كنت هنا السنة اللي فاتت، حفظت الألبوم ولا لسه محمد قاله اه قاله هشوف و هختبرك استني، غني عمرو و كله هايص مرة تاني قاله وريني لابس ايه و خلي حد يرفعك الناس تشوفك، بعد كده قاله يلا تعالي وغني اقسم بالله حاجات انا معرفش امتي و ازاي حفظها و قولت اكيد محمد مش هيعرف يغني لأنه سمع الألبوم الأسبوع اللي فات ولا متفقين ولا مرتبين ولا نعرف عمرو غير زي كل الناس ما تعرفه».

من هو عمرو دياب؟

  • مطرب مصري من مواليد عام 1961.
  • ولد في بورسعيد وأصبح واحد من أهم مطربي الوطن العربي.
  • له عدد كبير من الألبومات الناجحة وجمهور كبير حول العالم.
  • ترجمت عدد من أغانية إلى اللغة الفرنسية والإنجليزية.
  • غني في طفولته النشيد الوطني وأعطاه محافظ بورسعيد قيثارة.
  • تزوج من شيرين رضا وأنجب ابنته نور، ثم انفصل عنها.
  • تزوج من زينة عاشور وأنجب عبدالله وكنزي وجنى.
  • أول ألبوم له كان بعنوان «هلا هلا».
  • شكلت أغنية ميال مع حميد الشاعري نقلة كبيرة له.
  • قدم فيلم «العفاريت» مع الفنانة مديحة كامل.
  • من أشهر أغنية «نور العين، ميال، أنا أكثر واحد».

الكلمات الدلالية لـ تعرف على قصة الطفل الذي شارك عمرو دياب الغناء على المسرح لعامين متتالين وسر ارتباطه به.. صور

التعليقات لا يوجد تعليقات لـ “تعرف على قصة الطفل الذي شارك عمرو دياب الغناء على المسرح لعامين متتالين وسر ارتباطه به.. صور“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور