حسين فهمي يعلن دخوله عالم السوشيال ميديا: هتواصل معكم بشكل مستمر – فيديو

1 سبتمبر 2021 - 7:45ص منار حسين مجتمع النجوم

أعلن النجم حسين فهمي، انضمامه لعالم السوشيال ميديا، التي ظل بعيدًا عنها طول الفترة الماضية، مشيرًا إلى أنه يحضر الفترة الحالية لإنشاء حسابات رسمية خاصة به، وموثقة عبر موقع فيس بوك وانستجرام وتويتر وتيك توك كما سينشأ قناة عبر موقع يويتوب.

وأشار حسين فهمي، إلى أنه قرر أن ينضم لعالم السوشيال ميديا وينشأ حسابات خاصة به، بسبب تداول معلومات غير صحيحة عنه من حسابات غير موثقة، واستغلال البعض لاسمه وإنشاء جروبات وهـــ  مية.

ونشر حسين فهمي فيديو له عبر موقع انستجرام قال فيه: طول عمري بعيد عن السوشيال وكنت بعتبر أنه عالم افتراضي، لكن في الفترة الأخيرة ناس كتير بتتكلم غـــ لط، وفي معلومات كتير مكتوبة عني مش صحيحة

وغير حقيقية، وفي ناس بتستفيد من اسمي وبعضهم أنشئ جروبات باسمي، وفو جـــ ئت أن بعض أصدقائي بيقولوا لي إنهم بيكلموني وبيستقبلوا مني رسايل.

وتابع حسين فهمي: الحقيقية الحكاية زادت لذلك قررت يكون ليا ويب سايت، وادخل السوشيال ميديا بكل ما فيها من حسنات وسيـــ ئات، واستحمل ما دام اعدت فترة طويلة بعيد وهقرب وهتحمل.

واستكمل حسين فهمي: أنا فعلا ما كنش عندي حساب، والنهارده هيكون عندي حساب، لسه لم يوثق وخلال فترة قريبة هنكون موجودين وهتكلم معاكم في حاجات كتير أوي وذكرياتي سواء في الفن أو التاريخ.

واستطرد: عندي كم كبير جدًا من الذكريات والقصص، هحكي فيها معاكم، هيكون عندي حساب واحد ومش هيكون عندي غيره، أنا كاتب الكلام كله في الورقة أي معلومة هقول لكم عنها بمنتهى الصراحة والصدق

كما أعلن حسين فهمي اسم حسابه على فيس بوك وانستجرام وتيك توك، موضحًا: أنا مش لوحدي في ناس كتير بتساعدني، هيكون فيه تويتر كمان وهكون مشارك في التيك توك، وهيكون ليا قناة على يوتيوب، وحاجة أنا مستمتع بها، هحكي لكم حاجات كتير جدًا وتفكيري كان إيه عن السوشيال ميديا واتغير إزاي.

واختتم: هنتواصل معاكم بشكل مستمر، من خلال حساباتي الوحيدة وكلها هتكون بنفس الصورة وأي حاجة جديدة هبلغ بها هنا، سعيد جدًا إني هكون متواجد معاكم وعندي أفكار كتير عاوزة أطرحها على حضراتكم، في حاجات مش هقولها دلوقتي علشان ما تتخـــ طفش وتروح حتة تانية أرجو إنها تعجبكم.

الكلمات الدلالية لـ حسين فهمي يعلن دخوله عالم السوشيال ميديا: هتواصل معكم بشكل مستمر – فيديو

التعليقات لا يوجد تعليقات لـ “حسين فهمي يعلن دخوله عالم السوشيال ميديا: هتواصل معكم بشكل مستمر – فيديو“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور