حورية فرغلي تبكي: قلبي وقف 4 دقايق وأنا بعمل آخر عملية في مناخيري.. شكلي اتغير وصوتي اتغير ومش بشم أي ريحة

7 يناير 2021 - 1:50ص sara عربى، مشاهير

دخلت الفنانة المصرية حورية فرغلي في نوبة بكاء شديدة، أثناء تحدثها عن الحالة التي وصلت إليها، وكيف تغير شكلها، وفقدت حاستي الشم والتذوق.

حورية فرغلي قالت باكية: “أنا صحتي كويسة جدا ، بس شكلي اتغير وصوتي اتغير، ومفيش استطعام ولا بشم أى ريحة، ساعات ببقا خايفة لو حصل حريقة ما اخدش بالي لأني مش هحس بريحة الدخان.. ربنا مدينا نعم أنا بجد معرفتش قيمتها غير دلوقتي”.

ونفت أن تكون قد أجرت عمليات لتجميل أنفها: “أنا كنت ملكة جمال مصر، مش محتاجة تجميل، أنا الحصان وقع فوقي بالكامل وعلى وشي، أنا مبقاش عندي مناخير، والعملية صعبة لأنها مش بس شكل لا كمان جيوب أنفيه وإني أتذوق وأشم وصوتي يرجع طبيعي”.

وكشفت عن خطورة العملية، بقولها: “آخر عملية عملتها قعدت 8 ساعات وقلبي وقف فيها أربع دقايق.. أنا حابسة نفسي بقالي 10 شهور مطلعتش برا أوضة نومي، مش عايزة حد يشوفني ويقارن شكلي دلوقت بقبل كده، بلبس كمامة بس الناس برضوا بتعرفني”.

وعبرت عن حزنها لعدم سؤال أحد عليها، حيث قالت: “لما كنت ناجحة كان في ناس كتير حواليا، لكن لما قعدت عشان اتعالج ملقتش حد جنبي، تليفوني مبيرنش، محدش بيسأل خالص، والناس اللي ياما وقفت جنبهم ومتأخرتش في حاجة فجأة اتنسيت بالنسبة لهم وكأنهم ميعرفونيش”.

وأضافت “في السنة الجديدة محدش قالي هابي نيو ير غير أخويا، كله اختفى ومحدش بقى موجود، كأني معملتش حاجة، أنا كنت بشتغل وانا تعبانة، وواخدة شغلي جد مش هزار، للدرجة دي الناس مش بتقف جنب بعض”.

وتاعت “فقدت الثقة في نفسي كـ ست وكممثلة، لأن محدش قدر شغلي وأعمالي، وصعبان عليا نفسي، وقررت أبعد ومش عايزة حد يشوفني إلا لما أرجع زي الأول، لأن أنا باكبر في السن وعمري 44 سنة دلوقتي، لكن فرحانة إني عرفت الناس الكويسة والناس الوحشة، وده درس قاسي واتعلمت منه”.

ووجهت رسالة لكل من تنمروا عليها، بقولها: “بقول حسبي الله ونعم الوكيل في كل اللي اتنمر عليا، أنا دلوقتي بتنفس من بقى ومش بستطعم الأكل وفاقدة حاسة الشم والتذوق”.

الكلمات الدلالية لـ حورية فرغلي تبكي: قلبي وقف 4 دقايق وأنا بعمل آخر عملية في مناخيري.. شكلي اتغير وصوتي اتغير ومش بشم أي ريحة

التعليقات لا يوجد تعليقات لـ “حورية فرغلي تبكي: قلبي وقف 4 دقايق وأنا بعمل آخر عملية في مناخيري.. شكلي اتغير وصوتي اتغير ومش بشم أي ريحة“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور