“دمرتوها نفسيا”.. أوس أوس ينفعل على منتقدي حضور زوجته حفل زفاف شقيقة مصطفى خاطر

31 أغسطس 2020 - 11:54م sara عربى، مشاهير

انفعل نجم مسرح مصر أوس أوس على كل من انتقد زوجته، بعد حضورها مؤخرا حفل زفاف شقيقة الفنان مصطفى خاطر، وذلك بعد مرور شهرين على وفاة ابنها “علي”.

أوس أوس نشر صورة جمعته بزوجته، على حسابه الخاص على موقع “انستجرام”، وعلق قائلا: “أنا مش محتاج أبرر وأحكي أي حاجة عن حياتي والست اللي قلبي اختارها كنت ساعتها فى أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده )”.

وأضاف: “الفلوس ممكن تشتري سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتي ماتعرفش بدأ من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته”.

وتابع: “ومش معنى اني بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا .. وفى الاخر بتشتم برضه !”.

وأكمل: “انا بقول الكلام ده ولن اسمح بأى تدخل فى حياتي الشخصية مرة أخرى سواء بالخير أو بالشر أو دخول اسم مراتى فى أي كلمة من كلام المرضى النفسيين .. مراتى اللى اخوها متوفى و ابنها متوفى وما صدقت أول مرة اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل”.

واختتم كلامه بقوله: “سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس”.

وكانت زوجة أوس أوس قد ظهرت في حفل زفاف شقيقة مصطفى خاطر بملابس سوداء، وبدا على وجهها آثار الحزن، وقد التقطت مع زوجها والحضور عددا من الصور.

الكلمات الدلالية لـ “دمرتوها نفسيا”.. أوس أوس ينفعل على منتقدي حضور زوجته حفل زفاف شقيقة مصطفى خاطر

التعليقات لا يوجد تعليقات لـ ““دمرتوها نفسيا”.. أوس أوس ينفعل على منتقدي حضور زوجته حفل زفاف شقيقة مصطفى خاطر“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور