سالي عبد السلام تبكي على الهواء بسبب إلغاء زفافها

4 فبراير 2021 - 10:59م منار حسين غير مصنف

تصدّرت الإعلامية المصرية سالى عبد السلام  مؤشرات مُحرك البحث جوجل في مصر، بعد أن أظهرت في برنامجها، والذي يُذاع على الفضائية المصرية، حزنها الشديد وإحباطها بسبب إلغاء ترتيبات زواجها الذي كان من المُفترض حدوثه خلال هذا الشهر.

خلال برنامجها “قصة حقيقية” قالت سالي: “زمان عدّت عليّ جملة مكنتش فهماها أوي بتقلك إن لما حد يحكيلك همه كأنه ادالك حتة من جسمه بس بعد ما اشتغلت بـ “قصة حقيقية” بقى عندنا قصص كتير حقيقية عرفت أكثر معنى الجملة دي.”

وأضافت سالى  حول تجربتها الشخصية وأنها كانت تُصوّر حلقات برنامجها وهي بحالة نفسية بالغة السوء قائلة: “يمكن ناس كتير متعرفش أنا كنت باجي معيطة في معظم الحلقات اللي صورناها، مش مكسوفة أقول إني كنت معيطة..أهلي دائما بيستنوا مني إن ابقى قوية وعادي ومهيمكيش وكبري وايه اللي حصل، واللي حصل إن المرة دي منيت نفسي أوي، أنا مش هقول إن اختياراتي غلط، أنا ما بختارش، ممكن ألاقيني داخلة في قصة وأنا مختارتش، بختار بس إن يبقى شخص مناسب زي ما المجتمع بيقول، يبقى شخص ينفع، بختار السكينة والمودة والرحمة، أه كنت باجي التصوير كتير جدا معيطة، وبالذات الشهر ده عشان كنت منية نفسي إني حكتب كتابي وكنت حتجوز بس الموضوع ما مشيش يعني لأن أغلب اللي بنعرفهم مابقوش أد المسؤولية ومابقوش رجالة مابقوش يستاهلوا.”

استكملت: “الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله، كل حاجة ضاعت مننا مكنتش بتاعتنا، ومحدش يستاهل غير أهلنا واللي يحبنا بجد، أنا النهاردة هنام مبسوطة وفرحانة ومرتاحة ودي دموع فرحة مفيش زعل تاني، وشكرا على كل حاجة حلوة يا الله.”

وشكرت سالي متابعيها قائلة: “شكرًا لكم، أحنا عملنا البرنامج لنجبر بخاطركم ولكن لم أكن أعرف أو أتخيل أن رسايلكم وتعليقاتكم هي اللي هتجبر بخاطري وخاطر كل فريق العمل لأننا كلنا شبه بعض.”

يُذكر أنه في نهايات شهر ديسمبر من العام الماضي أُذيع للمرة الأولى برومو برنامج “قصة حقيقية” الذي تُقدّمه عبد السلامفى التليفزيون المصرى  عبر الفضائية المصرية، وظهرت سالي في برومو نشرته القناة على صفحتها على موقع التواصل الاجتماعي فيس بوك، تقول فيه: “كلنا عندنا مشاكل.. وكلنا عاوزين اللي يسمعنا.. وأنا هنا عشان نطبطب ونفضفض ونحكي.. وزي ما بيقولوا علينا دايمًا.. ساعة النكد بنطلع نكت، واللي بيشوف بلاوي غيره بتهون عليه بلوته”.

الكلمات الدلالية لـ سالي عبد السلام تبكي على الهواء بسبب إلغاء زفافها

التعليقات لا يوجد تعليقات لـ “سالي عبد السلام تبكي على الهواء بسبب إلغاء زفافها“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور