طليقة خالد عليش تهاجمه بسبب ابنته: «الأبوة مش سوشيال ميديا»

30 يناير 2021 - 5:03م منار حسين مجتمع النجوم

انتقدت الفنانة ميما الشامي، طليقة المذيع خالد عليش، نشره صورة لابنته عبر صفحته الشخصية على موقع «انستجرام».

وقالت «ميما»، عبر خاصية القصص القصيرة: «عمر ما كان الحب والأبوة، إن أبويا ينزل صورة لينا ويكتب بحبك، عشان الناس تقول الله ده بيحب بنته وحنين، وينسيّ الناس اللي عمله».

وأضافت: «الأبوة هي الرجولة والحب، إنك متخليش بنتك محتاجة حاجة، لا ماديا ولا معنويا، الأب اللي بيربي ويكبر ويشقى ويصرف ويشيلها، مش أنسى بنتي وافتكرها كل شهر مرة، أخدها أصورها واستغلها زي ما كان بيستغل أمها».

وتابعت: «حسبي الله ونعم الوكيل في كل أب بالشكل ده، الأبوة مش سوشيال ميديا، محدش يصدق أي حاجة بتتنشر على السوشيال ميديا مش هي دي الحقيقة».

وكان «عليش» قد علق على صورته مع ابنته قائلًا: «حاولت أدور على كلام كتير أكتبه على الصورة بس مالقتش عشان مش دايما الكلام بيوصف الإحساس والمشاعر».

وأضاف: «يارب احفظ بنتي وإبعد عنها كل شر وإعمل لها اللي فيه الخير ووقف في طريقها أولاد الحلال في حياتي وبعدها إن شاء الله».

الكلمات الدلالية لـ طليقة خالد عليش تهاجمه بسبب ابنته: «الأبوة مش سوشيال ميديا»

التعليقات لا يوجد تعليقات لـ “طليقة خالد عليش تهاجمه بسبب ابنته: «الأبوة مش سوشيال ميديا»“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور