عمرو أديب يهاجم محمد رمضان: دي فلوس الراجل اللي مات يا مفتري

5 يونيو 2021 - 10:56م منار حسين مجتمع النجوم

هاجم الإعلامي عمرو أديب الفنان محمد رمضان بعد ظهوره في فيديو وحديثه عن تحفظ الدولة على أمواله.

وقال عمرو أديب في برنامجه “الحكاية” ويعرض عبر قناة mbc مصر، موضحا أن سب ب التحفظ على أموال رمضان هو قضيته مع الطيار أشرف أبو اليسر، قائلا: “الفلوس دي يا محمد فلوس الراجل اللي مات، دي فلوس التعويض بتاعة الرجل اللي مات، يا راجل يا مفتري الراجل مات مش كنت تروح تلم القرشين وتديها لأهله، لازم تستنى لما يجيوا يحجزوا على الفلوس علشان القاضي هو اللي يديهم الفلوس، يا راجل حرام عليك اتقي الله، أبسط حاجة كنت تعملها مش 6 مليون أدي 10 أهي وأنا أسف والأعمار بيدي الله”.

وتابع: “يطلع محمد رمضان مصمم يكذب علينا تاني ويقول للعالم أن في مصر الحكومة بتحط إيدها على فلوس الناس، مصر مزنوقة في قرشين وأخدت فلوس رمضان، وقالك أنا بشيل الفلوس في البيت هو دا اللي بتعلمه للناس أنهم ميتعاملوش مع البنوك اللي في مصر وأنهم ميتعاملوش مع البنوك الوطنية، بتقولهم خلي بالك الدولة ممكن تحط إيديها على فلوسك وحطها تحت البلاطة”.

يشار إلى أن محمد رمضان أعلن أنه تلقى مكالمة هاتفية من أحد موظفي البنك ليخبره بأن الدولة تحفظت على أمواله وهو الأمر الذي عقب عليه البنك بأنه بسبب الحكم القضائي الخاص بتعويض الطيار الراحل أشرف أبو اليسر

الكلمات الدلالية لـ عمرو أديب يهاجم محمد رمضان: دي فلوس الراجل اللي مات يا مفتري

التعليقات لا يوجد تعليقات لـ “عمرو أديب يهاجم محمد رمضان: دي فلوس الراجل اللي مات يا مفتري“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور