مذيعة مشهورة تتهم “الحاسدين” بإسقاط شعرها وتشويه جمالها !! “صور”

27 يوليو 2017 - 12:29ص Amera مجتمع النجوم 1٬128 مشاهدة

عبرت مقدمة البرامج سالي عبد السلام عن ضيقها واستيائها من الحاسدين، خاصة بعدما وصلتها الكثير من الرسائل حول شعرها بسبب طوله وكثافته.

وفاجأت سالي جمهورها بنشر صورة لجزء من فروة رأسها وهو خال من الشعر تماما، وأكدت أن السبب في ذلك هم الحاسدين، خاصة وأنها تتلقى الكثير من الرسائل التي تسألها عن شعرها وكثير من المعجبين به يحسدنوها.

وأكدت سالي في الصورة التي نشرتها عبر حسابها بموقع Instagram أنها تؤمن بالحسد، ولكن الحاسد لا يعلم عن حياتها الكثير، وطلبت منه التوقف عن ذلك.

وأبدت المذيعة سالي عبد السلام حزنها الشديد بعد ما حدث لها، من سقوط شعرها بشكل مرعب بسبب تعرضها للحسد من قبل البعض.

وكتبت تعليقاً تشرح فيه ما حدث لها بالضبط قائلة: “اصدمكم اكتر!! لكل حد كتب كومنت على راسي والله.. انا بقرأ الاذكار كل يوم!! مبفوتش فرض وبالسنن وقيام الليل الحمد لله .. المعوذات قبل ما انزل!!! القرآن والبخور كل يوم كل يوم والله..وبحلف!! بس والله كدة كتير عليا”.

وأضافت سالي عبد السلام: “انا تعبت…عمري ما كنت بركز في الحسد بس مؤمنة بيه.. مبركزش من كتر ما بتتقالي انتي محسودة والناس مركزة معاكي بزيادة؟ انا؟؟ طب ليه؟؟! يجوا يشوفوا الواقع”.

وتابعت سالي عبد السلام حديثها: “اعوذ بالله ربنا يديهم اضعاف اضعاف اللي بيفكروا بس فيه.. لكن في شعري الاقيه كدة امبارح فجأة لا!!!! كدة كتير وفوق طاقتي يا ربي… لما الاقي جروبات كتير بتتكلم على شعري ويا ترى ده اكستنشن ولا زفت والا ولا كلمة ماشاء الله او اللهم بارك كله غل او يقول ده مش شعرها وانا اتبرع واحط صوري وانا صغيرة عشان اقولهم دى طبيعة شعر مش طريقة معينة للاهتمام عشان محدش يضحك عليكم بحسن نية للي بيسأله ويحصلي بعدها كدة”.

واستكملت سالي عبد السلام قائلة: “في شعري 3 مناطق مفيهاش شعراية!! الاقى بوست زي ده معمولي اكتر من 200 منشن فيه وعلى الواتس اب والماسنجر واقرب صحاب ليا زعلانين ويقولولي ربنا يستر عليكي بجد دول عينيهم وحشة هيحصل حاجة!!!! وانا اكبر واضحك…لا اهه حصل!!! كدة كفاية والله.. والله كفاية ! مفاضلش غير شوية الرضا وتقبل الدنيا اللي مخليني قادرة اكمل..ابوس ايدكم بلاش دول كمان! ده مش هزار ممكن تأذي حد غصب عنك او نفسك وبتحصل فعلاً لازم تقول ما شاء الله او اللهم بارك وصفي نيتك!”

وختمت سالي عبد السلام كلامها : “أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة ومن كل عين لامة… والله يا ريتني كتبت وقلت وبعد كدة هقول في وش اي حد واحرجه او حاسد هقوله وربنا لازم يردهالي اللي مبيضيعش عنده حق حد..الحمد لله”.

سالي عبد السلام بدأت مجال الإعلام كمذيعة راديو، ثم بدأت تقديم برنامج “المتوحشة” الذي عرض على قناة النهار.

 

الكلمات الدلالية لـ مذيعة مشهورة تتهم “الحاسدين” بإسقاط شعرها وتشويه جمالها !! “صور”

التعليقات لا يوجد تعليقات لـ “مذيعة مشهورة تتهم “الحاسدين” بإسقاط شعرها وتشويه جمالها !! “صور”“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور