بعدما فتح النار على شيرين مطربة مصرية تساند الشاعر بهاء الدين “متزعلش حضرتك فوق راسنا كلنا”

13 يونيو 2022 - 7:24ص منار حسين عربى، مشاهير

حرصت المطربة شذى على دعم الشاعر بهاء الدين محمد في الأزمة التي نشبت بينه وبين الفنانة شيرين عبد الوهاب بعد إعلانها ندمها على أغنية “متجرحنيش” التي كتبها بهاء.

وعلقت شذى على اعتراف شيرين بالندم على الأغنية بقولها: “دي أغنية عظيمة وكلام عظيم من شاعر مهم جدًا وأستاذ كبير، أي حد يتشرف يغني من كلماته، ومتزعلش حضرتك فوق راسنا كلنا، شيرين كتير بيخونها التعبير حضرتك أستاذ أجيال”.

وكان الشاعر بهاء الدين محمد، قد شن هجوماً عنيفاً على شيرين عبد الوهاب بعد أن أجابت على سؤال عن أكثر أغنية ندمت على تقديمها، وذلك من خلال فقرة “اسألني” التي أجرت من خلالها حواراً مع الجمهور على خاصية القصص المصورة الملحقة على حسابها الخاص بـ”إنستغرام” وأجابت عن السؤال بأن الاغنية هي “متجرحنيش”، والتي كتبها لها بهاء.

ورد بهاء الدين محمد، على هذا التصريح، عبر حسابه الرسمي على موقع “فيسبوك” بمنشور هاجم فيه شيرين قائلاً: “مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم يجي عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جداً.

شيرين عبد الوهاب

شيرين عبد الوهاب

وتابع: “المشهد الأول، أول يوم دخلت شيرين عبد الوهاب مكتبي كانت مع الأستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء”.

وأضاف: “والمشهد الثاني رشحتها تغني كتير بنعشق، ولولا موافقة نصر احتراماً للعشرة اللي بنا ماكانتش هتغنيها، لأنها كانت موقوفه من النقابة”.

واستكمل: المشهد الثالث لما فوجئت بمدير أعمال شيرين عبد الوهاب الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول”.

المشهد الرابع والأخير أغنية “متجرحنيش” أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. و”متجرحنيش” من أهم أعمالي ومن حقي أدافع عنها نتاج تهور اللي غنيتها”.

شيرين عبد الوهاب

واختتم: “وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم”.

الكلمات الدلالية لـ بعدما فتح النار على شيرين مطربة مصرية تساند الشاعر بهاء الدين “متزعلش حضرتك فوق راسنا كلنا”

التعليقات لا يوجد تعليقات لـ “بعدما فتح النار على شيرين مطربة مصرية تساند الشاعر بهاء الدين “متزعلش حضرتك فوق راسنا كلنا”“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور