ممكن أطلع وأقول يا أبو كرش بس انا مش هعمل كدا.. تفاصيل خناقة بين حمو بيكا وعمر كمال بالصور والفيديو

17 ديسمبر 2020 - 9:51م sara عربى، مشاهير

وقع خلاف شديد بين مطربي المهرجانات حمو بيكا وعمر كمال، وكشف حمو عن هذا الخلاف بعدما نشر صورة لعمر كمال وعليها علامة “x”.

حمو بيكا علق على الصورة، التي نشرها على حسابه الخاص على موقع “الفيس بوك”: “ياريت محدش يكلمنى في شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه”.

مطرب المهرجانات أضاف: “والإثبات بعد الصورة دى هنزل فيديو هو عامل بيحبنى وهو بيكرهنى، مع السلامة يا صحاب مزيفة”.

عمر كمال رد على هجوم حمو بيكا، عليه، وكشف أن الخلاف بينهما بسبب رفضه عمل إعلانات لفساتين أفراح، حيث قال في مقطع فيديو نشره على صفحته الشخصية بموقع “الفيس بوك”: “أنا تحملت كتير جدا إهانات بعض الناس، لكن أنا ممكن أطلع أقولك يا (أبوكرش) لكن كل ده كلام قلة أدب وقلة ذوق مليش فيه ومش بحب أقولها”.

وأضاف: “أنا أول أغنية اكسب منها علي قناتى كانت أغنية انتي معلمة، وكل الأغانى اللى قبل كده كنت بديها لحمو بيكا ولباقي الناس، عشان يرفعها على قناته ويكسب منها بما فيهم أغاني كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش.. الشخص اللي بيتكلم عليا ده أول ما بينزل القاهرة بيجي على شقتى وواكلين عيش وملح مع بعض”.

وتابع: “اللي حصل إن وأنا قاعد عند الحلاق بتاعي ومعايا حمو فوجئت إنه جايب واحد صاحب سنتر بتاع فساتين وعايزنا نعمله إعلان من غير ما ياخد إذنى، وأنا اتحرجت أرفض قدام الراجل، بس أنا مش عايز اعمل مهرجان لبوتيك فساتين أفراح، أنا عايز اعمل فن كويس زى بنت الجيران وعود البطل وكل مهرجاناتى، وحتى بعد الاتفاق ولا سألنى تاخد كام، على عكس ما بعمل معاه في أى فرح حد بيطلبه فيه”.

وأكمل:”عيب تقول عليا إني صحبة مزيفة محدش وقف معاك قدي، ممكن تكون فلوسك دلوقتي مش مناسبني أنا عمري ما كسبت من وراك، طول عمري بسيب للناس شغلى وتراكاتي تكسب من ورايا..انا اللي بتكلملك مع نقابة الموسيقين ومع استاذ هاني شاكر في مشكلتك الأخيرة، وتراك انتي معلمة سبب تاخيره وجودك معايا فيه وانا اللي رحت واتكلمت وقولتهم ده قلبه ابيض ومفيش كلام فيه اسفاف.. وعيب يا بيكا تكتب بوست كدة احنا كلنا عيش وملح مع بعض في بيتي اتصل بيا قولي عيب تقول عمر كمال صحبة مزيفة”.

واختتم كلامه، بقوله: “أنا سيبتلك 12 تراك كلت من وراهم الشهد، حتى العربية بتاعتك أنا اتصدرت أنا ومدير أعمالى عند المعرض عشان يقسطهالك، وضمنتك فى مليون و800 ألف جنيه، ولو كنت لوحدك مكنش حد هيديك عربية”.

الكلمات الدلالية لـ ممكن أطلع وأقول يا أبو كرش بس انا مش هعمل كدا.. تفاصيل خناقة بين حمو بيكا وعمر كمال بالصور والفيديو

التعليقات لا يوجد تعليقات لـ “ممكن أطلع وأقول يا أبو كرش بس انا مش هعمل كدا.. تفاصيل خناقة بين حمو بيكا وعمر كمال بالصور والفيديو“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور