منى زكي تعتذر لمحمد فراج.. والفنان: ضربتني حقيقي وايديها كانت تقيلة

23 نوفمبر 2020 - 10:17م sara عربى، مشاهير

كشف الفنان المصري محمد فراج كواليس تصوير أصعب مشاهده مع النجمة منى زكي، في فيلمهما “الصندوق الأسود”.

فراج قال، خلال استضافته مع منى زكي في برنامج “معكم منى الشاذلي”، أن مشاهد الضرب بينهما كانت حقيقية، لافتا إلى أنه اكتشف أن منى زكي يدها ثقيلة جدا، وأنها ضربته بشكل حقيقي خلال التصوير.

وأضاف: “هي المفروض بتضربني بالمسدس على دماغي فالمفروض بنعمل حركة كده علشان اتفاداها، فعملناها كذا مرة في البروفة وكل مرة تنزل على دماغي”.

الفنانة المصرية اعترفت بصحة كلام فراج، وقالت: “أنا بيقولولي إن إيدي تقيلة، أحمد السقا كمان كان بيقولي كده، هي ساعات الحجم الصغير بيلسوع أكتر، بس أنا فاكرة إن إيدي عادية ومش بتوجع”.

فعلق فراج مازحا: “تخيلي السقا كان بيقولها إيديها تقيلة.. أمال هتعمل فيا أنا إيه، فشوفي بقى حجم المعاناة اللي عشناها”، لترد منى الشاذلي: “خليهم ينشفوا شوية”.

منى زكي أعادت نشر هذا المقطع من البرنامج، على حسابها الخاص على موقع “الفيس بوك”، ووجهت اعتذارا لفراج، وأرجعت ضربها الحقيقي له إلى اندماجها في تجسيد الشخصية.

الفنانة المصرية كتبت: “أجمل حاجه في مشاهد الخناقات بين الممثلين ان اللي بيضرب هو اللي يندمج وان اللي بيتضرب يندمج في انه يحوش عن نفسه اندماج اللي بيضربه.. معلش بقي يا فراج اندمجت بزياده قلمين .. قصدي حبتين”.

وفيلم “الصندوق الأسود” بطولة منى زكي، ومحمد فراج، ومصطفى خاطر، وأسماء جلال، ويظهر شريف سلامة كضيف شرف، والفيلم من تأليف أحمد وهيثم الدهان، وإخراج محمود كامل.

شاهد على قناتنا:

الكلمات الدلالية لـ منى زكي تعتذر لمحمد فراج.. والفنان: ضربتني حقيقي وايديها كانت تقيلة

التعليقات لا يوجد تعليقات لـ “منى زكي تعتذر لمحمد فراج.. والفنان: ضربتني حقيقي وايديها كانت تقيلة“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور