نشوى مصطفى تعرضت للإهانة وتطلب نصيحة جمهورها .. الصورة المحذوفة

23 يناير 2021 - 12:59م منار حسين مجتمع النجوم

كشفت الفنانة نشوى مصطفى عن تعرضها لموقف محرج من قبل أحد مُعدٍ البرامج على حد وصفها، بعد أن هاجمها بسبب عدم ردها على اتصالاته، ووجه لها كلمات مهينة جدا، تقلل من قيمتها كفنانة وإنسانة، وطلبت النصيحة للتعامل مع هذا الشاب، ولكنها لاحقا أكدت عفوها عنه بعد اتصال من والدته.

نشوى مصطفى
نشوى مصطفى قررت العفو عن الشاب بعد وساطة من والدته

نشوى عرضت القصة كاملة بصور من المحادثات بينها وبين الطرف الذي وجه لها الإهانة عبر حسابها بموقع الفيس بوك وقالت: امبارح الساعة واحدة ونص الصبح كلمنى شخص علشان يقول لى انه عايزنى ضيفة فى برنامج”.

نشوى مصطفى
نشوى مصطفى تروي قصة تعرضها للإهانة

وواصلت قائلة: الحقيقة كلمنى على رقمين تليفون ماردتش على الاول ولما كلمنى على الرقم التانى قلت اكيد فيه مصيبة وحد بيستنجد بيا من اهلى مثلاً.

أضافت نشوى: المهم كتبت بوست هنا شرحت اللي حصل بدون ما اذكر اسمه ولا رقمه ولا البرنامج ولا القناة — النهارده دخل واعلن عن نفسه وانه كان بيتصل بيا لأنى ممثلة اي كلام وماحدش بيتفرج عليا غير ولادى وانه هو خريج جامعة امريكية وانى مجرد خريجة المعهد العالى للفنون المسرحية التابع لوزارة الثقافة المصرية”.

وتابعت: وده كلامه من فضلكم محتاجة مشورة اتصرف ازاي علشان افهمه اداب التعامل مع فنانة مصرية عضو نقابة المهن التمثيلية وخريجة المعهد العالى للفنون المسرحية التابع لوزارة الثقافة المصرية اللي بيعايرنى بيه.

اللافت أن نشوى حذفت المنشور بعدما تلقت اتصالا من والدة المعد الذي وجه لها الإهانة، وكتبت قائلة: عفا الله عما سلف —  كلمتنى من شوية والدة ابننا اللي كلمنى فى وقت متأخر — واتضح ان الولد لسه طالب فى اعلام احدى الجامعات الخاصة  في سنة اولى — وانه ليس من ضمن فريق اعداد البرنامج الي ادعى انه فى  فريق الاعداد بتاعه وانه بيتدرب لسه  وكان حابب يبين لهم انه شاطر.

أضافت: وانا الحقيقة كأم تعاطفت جداً مع والدته وقلت لها ان حصل خير والولد زي ابنى واعتذر وفهم انه مايصحش يكلم حد فى وقت زي ده ويارب نعلم ولادنا الاخلاق والاصول اللي اتربينا عليها – ده احنا مصريين يعنى الاخلاق والأصول

الكلمات الدلالية لـ نشوى مصطفى تعرضت للإهانة وتطلب نصيحة جمهورها .. الصورة المحذوفة

التعليقات لا يوجد تعليقات لـ “نشوى مصطفى تعرضت للإهانة وتطلب نصيحة جمهورها .. الصورة المحذوفة“

لا يوجد تعليقات بعد..

اترك تعليقك




تصميم و تطوير ورعاية
2018 © سوا فور