عربىمشاهير

وليد فواز ينصح محمد رمضان بالاعتذار: أقعد مع نفسك وحط إيدك على الصح يا صاحبي العنيد

وجه الفنان وليد فواز رسالة للفنان محمد رمضان، والذي كشف أنهما كانا أصدقاء قبل شهرتهما، ونصحه بالتخلي عن عناده والاعتذار عن التقاط صور له مع مشاهير إسرائيليين، حتى ينهي هذا الجدال.

وليد فواز نشر صورة لرمضان، على حسابه على موقع “انستجرام”، ووجه حديثه له، بقوله: “محمد إزيك فعلا واحشني… محمد رمضان الطموح الموهوب اللي قابلته في بداية الطريق… محمد اللي لما عمل إحكي يا شهرزاد قابلني في موقف الإسعاف وقالي فواز انا نازل أشوف صورتي علي الافيش (إحنا هنبقي نجوم جامدين يا له) بس إنت الأجمد دلوقتي”.

وتابع: “واحشني محمد اللي كان بييجي يتفرج عليا في مسرح الشباب ويبدد بحماسه و طاقته التي لا تنضب بالأمل أي شعور بالإحباط عند أي حد بيشوفه…. محمد اللي واحشني هو محمد اللي في الصورة دي أنا حابب أحط الصورة دي أكتر من أي صورة تانية ليك دلوقتي… لو الناس كلها قالت إنك إتغيرت ميخصنيش لإني عارف إنت مين وقد إيه كنت جدع معايا”.

وأضاف: “محمد اللي انت وصلتله ولسة هتوصله كمان فعلا تستاهله لإنك مميز وقبولك رباني. بس إسمحلي يا صاحبي العنيد وإللي أعرف عنه من زمان إن دماغه أنشف من الحجر ولا يسمع إلا عقله فقط…. اطلب منك ان تعيد النظر في إللي بيحصل عشان خاطر جمهورك الحقيقي “الناس البسيطة” والتي نصبتك ملكا متوجا علي قلوبهم”.

واستطرد: “الناس اللي شافت فيك الأمل ,بص من منظارهم للحكاية… بعيدا عن أي “مزايدات” “فيه خطأ حصل وإللي حصل حصل وخلاص وانت كبير وناضج واب ورب اسرة وعارف ايه الصح وايه الغلط. لكن يا صاحبي الإعتذار من شيم الرجال ولا يقلل منك أبدا”.

واختتم رسالته لرمضان، بقوله: “فكر يا محمد عشان خاطر جمهورك الكبير وموهبتك ,محبش اشوف واحد بحبه بجد يدفع تمن فاتورة كبيرة قوي هي أصلا مش بتاعته.. محمد إنت ذكي جدا وهتعرف تقعد مع نفسك وتحط إيدك علي الصح… ربنا يعديك من المحنة دي علي خير.. رفيق الرحلة “فواز”.

وكان الفنان محمد رمضان قد أثار ضحة كبيرة علي مواقع التواصل الاجتماعي، بعد أن قام الناشط الإماراتي حمد المزروعي، بنشر صورة لمحمد رمضان، مع المطرب الإسرائيلي عومير آدام، عبر صفحته الرسمية على موقع التواصل الاجتماعي “تويتر”.

وكان حمد المزروعي قد قال في تغريدته عبر تويتر “اشهر فنان في مصر مع اشهر فنان في اسرائيل دبي تجمعنا”، وانتشرت الصورة بشكل واسع عبر مواقع التواصل الاجتماعي وهو ما عرض محمد رمضان للانتقاذ الشديد والهجوم.

كما نشرت صفحة إسرائيل بالعربية على موقع “تويتر”، نفس الصورة، معلقة “الفن دوما يجمعنا”، ولم يعلق رمضان على هذه الصورة حتى الآن.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى