أول تعليق من عبير الشرقاوي على حبس طليقها 6 أشهر.. تعرف على التفاصيل
كشفت الفنانة المعتزلة عبير الشرقاوي، على تفاصيل قضيتها مع طليقها الطبيب طارق محمد صلاح، بعد الحكم بحبسه بتهمة تعريض حياة نجله للخطر بعد منع الدواء عنه.
عبير الشرقاوي، قالت في أول تعليق لها عبر صفحتها الشخصية بموقع “فيس بوك”: “لما الأب يمنع إعطاء الدواء لاينه مع علمه إن منع هذا الدواء يعرض حياته للخطر بمعنى أن هذا الطفل ممكن يفقد حياته لو مخدش الدواء و الولد يفكر أبوة و يقول له يا بابا أنت مدتنيش الدواء فالدكتور الطبيب يبتدي يعمل فوازير للطفل محتاجه عمليات حسابيه معقده محتاجة ورقة و قلم علشان تتحل”.
وأضافت: “سألت الولد ليه بيعمل كده يا حبيبي قال لي علشان ينسيني الدواء.. و بعدين أستشعر الطفل الخطر فطلب الاتصال بأمه مرارا و تكرارا فرفضوا و بعدين مرات الأب عملت نفسها بتكلمك يا ماما بس أنا كنت سامع التليفون بيعمل توت توت لأنها مكلمتكيش أصلا و بعدين قالت لي ماما مش بترد”.
وتابعت: “أنا لا أتحدث عن أب ميكانيكي ولا عامل محارة غير متعلم أنا أتحدث عن الدكتور طارق محمد صلاح الدين المعداوي ماجيستير في الأمراض العصبية و دكتوراه في الطب النفسي.. لما إبني حكى لي اإللي أبوة عمله أنا عرفت إننا في آخر الزمان.. حسبن الله و نعم الوكيل.. صحيح الست أشهر مش كفاية بس أهه الحمد لله برضه”.
يذكر أن عبير الشرقاوي حصلت على حكم من محكمة الطفل بحبس مطلقها الدكتور طارق محمد صلاح الدين المعداوي 6 أشهر وإلزامه بدفع كفالة ألف جنيه لإيقاف التنفيذ في الدعوى التي أقامتها أمام محكمة الطفل.
