زوج نشوى مصطفى يدفعها لتحذير الفتيات من الزواج من رجل زملكاوي.. ماذا يفعل بها؟.. شاهد صورته

يبدو أن الفنانة المصرية نشوى مصطفى تعاني بشدة مع زوجها عماد، وذلك نظرا لتعصبه الشديد لنادي الزمالك، وهو ما دفعها لتوجيه تحذير للفتيات من الزواج من رجل زملكاوي.

نشوى قالت في نصيحتها للفتيات: “نصيحة من قلبي لكل بنت مقبلة على الجواز – يابنتى تحرى الدقة والحيطة والحذر- لو الانسان اللي حترتبطى بيه زملكاوى لازم تكونى عارفة ان سلام بيتك العائلى مهدد – لانه كل ما الزمالك يتغلب حينكد عليكى عيشتك”.

وأضافت، على حسابها الخاص على موقع “الفيس بوك”: “مش كده بس انتى حتجنى على ولادك اللي حتخلفيهم لان اكيد باباهم حيخليهم زمالكاويين زيه ومهما حاولتى انهم يطلعوا اهلويين مش حتقدرى.. انا باخلص ضميري وبانصحك لوجه الله”.

وتابعت: “ولو قالك انا مش زملكاوي لازم تاخدي عليه تعهد ممضى من اتنين موظفين انه صادق – لانه ممكن يكون بيكذب ويتمسكن لحد مايتمكن ويتجوزك وبعدين يظهر على حقيقته- يا رب الزمالك ينجحوا وياخدوا الدورى يا رب”.

يذكر أن نشوى مصطفى قد كشفت من قبل عن معاناتها مع زوجها بسب تعصبه لنادي الزمالك، خاصة في المباريات التي يخسر بها فريقه، ووجهت رسالة للنادي الأهلي قائلة: “هو النادي الأهلي مش المفروض يراعى الستات المتجوزين بشر زمالكاويين—إيه يا ناس ماعندكمش ولايا”.

في حين أنها كشفت إن زوجها يحضر لها الشاي عندما يفوز الزمالك، لأنه يكون في قمة سعادته، وذلك نظرا لأنه متعصب جدا.

ونشوى مصطفى لديها من زوجها ابن وابنة وهما عبدالرحمن ومريم، وتعمل ابنتها في مجال تصميم الملابس والإكسسوارات.