بعد وفاة صديقه المخرج الشاب فجأة.. نقل أحمد عبدالله محمود للمستشفى.. وزوجته الفنانة تكشف تفاصيل ما حدث
أصيب الفنان المصري أحمد عبدالله محمود بحالة حزن شديدة بعد وفاة صديقه المخرج الشاب روبير طلعت، مما تسبب في إصابته بوعكة صحية شديدة، نقل على إثرها إلى المستشفى.
زوجة أحمد عبدالله محمود، الفنانة الشابة سارة نخلة، طلبت من جمهوره الدعاء له، بقولها: “احمد تعبان جدا جدا احنا في المستشفى خدته اسعاف على طول ارجوكم ادعوله ربنا يعدي الازمة دي على خير ويبعد عنه كل شر و الناس الوحشة الي عاملين طيبين وقاعدين يحسدوه اصلا للاسف”.
سارة طمأنت جمهوره بعد مرور عدة ساعات على حالة زوجها، وكشفت تفاصيل ما حدث له بقولها: “احنا في البيت يا جماعة خرجنا من المستشفى من شوية.. احمد عنده ستريس فظيع بالاضافة ان وفاة صاحبه روبير ربنا يرحمه مأثر عليه جدا وبقاله 3 ايام اصلا مش بينام ساعه على بعضها و نسي نفسه و جيه على نفسه كتير عشان الشغل وللأسف احمد بيدخن و دا خطر جدا عليه وبقاله يومين بيشرب سجاير كتير و انشالله باذنه تعالى بعد اليوم اخذ قرار يبطل سجاير لان الأزمة الحمدلله عدت على خير وربنا لطف بينا.. و هو قرر لو ربنا نجاه خلاص هو هيبطل”.
وأضافت: “حبيت اطمن صحابه وكل حد اتصل بينا.. انا كنت لوحدي انا ومساعد احمد في المستشفى عشان كدا كتبت البوست ومتلخبطة ومش عارفة اعمل حاجة.. ربنا سترها عملنا تخطيط القلب و ضغط و علقوله محاليل لحد ما راحت الرعشة منه و اتطمنا ان قلبه بقا سليم و هو نايم دلوقتي يارب ما تشوفوش حاجة وحشة”.
