نجل محمود عبدالعزيز يبث رسالة مؤثرة لوالده الراحل بمناسبة حلول شهر رمضان.. ماذا قال له؟
وجه المنتج محمد محمود عبدالعزيز، نجل الفنان الكبير الراحل محمود عبدالعزيز، رسالة مؤثرة جدا له، بمناسبة حلول شهر رمضان الكريم.
نجل محمود عبدالعزيز، كتب على حسابه الخاص على موقع “إنستجرام”: “كل سنة وحضرتك طيب وبخير يا أبويا وصاحبي وأخويا وكل ما ليا، أتمنى تكون هدايا بتوصل لحضرتك، وأتمنى إني أكون مشرفك وربنا يقدرني وأفضل مشرف حضرتك لحد ما ربنا سبحانه وتعالى يجمعنا ببعض على خير”.
وقام بإهداء والده كل أعماله وصيامه وصلاته، حيث قال: “وزي السنة اللي فاتت وطول ما أنا لسه على وش الأرض، عايز أهدي لحضرتك كل حاجة بعملها سواء إنتاج أو تمثيل أو أي حاجه كويسة بعملها وتبسطك، أو أي خير بعمله زي ما علمتني، وبرضه بهدى لحضرتك صيامي وكل ركعة وكل حرف هقرأه من المصحف الشريف، ربنا يتقبل مني ويقدرني وأبقى ربعك في أي حاجة”.
وأضاف: “رمضان كريم، كل سنة وحضراتكم جميعا بألف صحة وسلامة وخير وربنا يريح قلوبكم ويفرحها ويشفي كل مريض ويرجع كل بعيد ويصبر أي واحد موجوع، ويهون علينا جميعا بحق الشهر الفضيل، أسألكم الفاتحة والدعاء لأبويا ولكل من رحلوا عنا”.
يذكر أن محمود عبدالعزيز قد وافته المنية في شهر نوفمبر عام 2016، عن عمر يناهز 70 عاما بعد صراع مع المرض.
