يبدو أن الفنان المصري محمد رشاد، نجم “أراب أيدول”، وخطيبته الإعلامية مي حلمي قد قررا تجاهل أزمة إلغاء زفافهما والتركيز على أعمالهما.
فقد نشرت مي حلمي صورة حديثة لها، في أول ظهور لها بعد إلغاء زفافها، ظهرت فيها وهي توقع عقد برنامجها الجديد.
مي علقت على الصورة، بقولها: “وجه الوقت الي اقولكم خبر حلو اتعاقدت علي برنامج جديد مختلف عن الكوره تماما لاول مره هتشوفوني في برنامج اجتماعي “ضحك وتمثيل وبيناقش مشاكلنا” وقضايا المرأه والرجاله كمان في قناه جديده وكبيره ومحترمه”.
وأضافت: “علي قد ما كنت خايفه علي قد ما من اول حلقه فرحت واتبسط بكل الناس الي موجوده في القناه وزمايلي وكل حاجه الحمدلله .. صورنا اول حلقات خلاص هيتعرض خلال الايام الي جايه .. ودي اول حاجه اتعلمتها اني اقول الحاجه بعد ما اعملها او الاوقع بعد ما خلصت تصوير.. اما اسم القناه هسيبكم تخمنو لحد مايتزاع البرومو اللهم لك الحمد مين هيقول مبروك ؟ “.
ومن جانبه قام رشاد أيضا بنشر صورة إعلانية لأغنيته الجديدة والتي تحمل عنوان “احساسي”، وأعلن عن استعداده لطرحها قريب.
وكان إلغاء زفاف محمد رشاد على خطيبته الإعلامية مي حلمي، قبل إقامته بساعات قليلة، قد تسبب في صدمة كبيرة لجمهورهما، وتكاثرت الأقاويل عن أسباب إلغاء الزفاف.
وقامت الإعلامية المصرية مي حلمي بنشر مقطع فيديو لها من جلسة تصويرها بفستان الزفاف قبل إلغاء الحفل.
مي تحدثت عن الألم الذي شعرت به في هذه الليلة، بقولها: “مش عايزه اتكلم في اي حاجه غير عن وجع كسره الفرحه، ولا اعلام ولا ميديا ولا دنيا ولا مين شمتان ولا مين فرحان مش فارقلي.. كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو”.
ووجهت رسالة عتاب، بقولها: “ازاي ؟ ازاي قدرتو تعملو كده لكل الناس واولهم القريبين.. ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه.. ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟”.
وأضافت: “طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر..بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين … في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا”.
وتابعت: “ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد.. كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا”.
وكشف رشاد عن السبب الحقيقي لإلغاء الزفاف، حيث قال: “بالنسبة لي ولأهلي، ما حدث يوم الزفاف كان لا يمكن التغاضي عنه، وهناك أناس تدخلوا ونقلوا كلام بين العائلتين بشكل خاطئ فحدثت فتنة بينهما، ودوما الأهل يكون لهم آراء ظنا منهم أنها في صالح الطرفين، وما تردد أن قائمة المنقولات هي السبب، فهذا الأمر ليس حقيقي، فالأمور المادية ليست المشكلة بين اثنين متحابين، ولكن أسلوب الاتفاق لم يكن لطيفا وحدثت المشكلة”.
وأعلنت مي حلمي مؤخرًا انتهاء الخلافات بينها وبين محمد رشاد، وقالت عبر صفحتها الشخصية بموقع «إنستجرام»: «فرحة فستان بتاعت الراديو راجعة راجعة، وستخرج للإعلان عن التفاصيل كاملة برفقة محمد رشاد لكن بعد قضاء مزيد من الوقت رفقة بعضهما بعيدًا عن الأضواء».
