قررت الإعلامية المصرية مي حلمي تجاهل أزمة إلغاء زفافها على الفنان محمد رشاد والتركيز على أعمالها، حيث نشرت صورة حديثة لها، ظهرت فيها وهي توقع عقد برنامجها الجديد.
إحدى معجبات مي هاجمتها واتهمتها بأنها هي من افتعلت الأزمات لتحقيق الشهرة، حيث كتبت: “هو حضرتك مش كنتي، في المستشفى، لحقتي تتعاقدي على برنامج جديد، ولا كل ده عشان الشهرة، صدقيني مكنش حد هيعرفك غير بعد حوارات المستشفى و تصريحات، حلو اوي كدة عاوز تشتهر اعمل حوارات”.
مي خرجت عن صمتها لتدافع عن نفسها، حيث ردت بطريقة حادة قائلة: “مش مشكلتي ان حد زيك بيعرف الناس وقت المصايب بس يعني مابيدورش غير على النكد والفضايح والحاجات اللي بتشبع رغباته في انه يشوف غيره بيتألم، وده نوع من انواع المرض. اما بقى تعبي مش هتكلم عليه عشان من مش من حقك تعرف او تعرفي تفاصيل”.
وأضافت: ” اما عقدي ماضياه من شهرين فاتوا وماينفعش نقول اي اخبار إلا قبل الحلقات بكام يوم. فنصيبي انها تبقى اليومين دول مع اني قولت بردو قبل كده ان معاد برنامجي الجديد اخر عشرة. فالمشكله في نيتكم انتم. ماكنتش هرد بس رديت عشان الناس التانيه مالهاش ذنب انها ماتفهمش او راي سلبي زيك يأثر عليهم”.
وكانت مي حلمي الشهيرة بـ «مذيعة الراديو»، قد كشفت في بيان سابق أنها عادت هي ومحمد وأنها سيعلنان قريبًا عن موعد زفافهما الجديد ولكن في وقته خوفًا من أن تصيبهم العين مرة ثانية.
يذكر أن حفل زفاف محمد رشاد، ومي حلمي، والذي كان مقررًا إقامته يوم 20 أكتوبر، في فندق مينا هاوس بالجيزة بالقاهرة، تأجل قبل الحفل بساعة ونصف فقط وبعد كل التجهيزات وخضوع العروس لجلسة تصوير بفستان الزفاف، الأمر الذي أصاب جمهورهما بصدمة كبيرة.
