بالصورة.. وفاء صادق مع ابنها للمرة الأولى.. وتحتفل بعيد ميلاده برسالة مؤثرة
للمرة الأولى شاركت الفنانة المصرية وفاء صادق جمهورها عبر صفحتها الشخصية بموقع “فيس بوك”، بصورة لها برفقة نجلها طارق والذي يبلغ من العمر 16 عامًا.
وفاء صادق، عبرت لنجلها عن سعادتها الكبيرة لبلوغه سن الـ 16 عاملة برسالة مؤثرة قالت فيها: “: “أول ما فتحت عيني وشوفتة جالي إحساس غريب جدا كنت حاسة بيه في قلبي وهو بيحصل وكان ربنا سحب كل الحب اللي أنا بحبه لأي حاجه أو أي حد واداهوله هو لوحده”.
وأضافت: “أول ماما اسمعها وفجأة لقيته بيكبر ويكبر وخلاص ماما بقيت يا فوفو أو مامزي.. بحبه حب يصل إلى حد الجنون هو ونور طبعاً.. النهارده بقى عنده 16 سنه”.
وتابعت “16 سنه امتى وفين وإزاي.. ده حيطلع بطاقة برضه امتى وفين وإزاي.. كل سنه وأنت طيب يا طارق يا قمر.. يا طارق باب قلبي من أول ثانية..عيد ميلاد سعيد يا قلبي.. ربنا ما يحرمني أنا ونور منك”.
يذكر أن وفاء صادق، ارتبطت بالمنتج محمد فوزي، لمدة خمس سنوات، وقد أسفر هذا الزواج عن طارق ونور، وانفصلت عنه وأعلنت بعدها أنها ستتفرغ لرعاية ابنيها ولن تفكر في إعادة تجربة الزواج مرة أخرى.
