هاجمت الفنانة المصرية سما المصري الفنان محمد رمضان، بعد نشره مقطع فيديو قال فيه إن الطيار أشرف أبو اليسر، الذي تم إيقافه عن عمله مدى الحياة بسبب واقعة دخول الفنان قمرة قيادة الطائرة، طلب منه 9مليون جنيه ونصف، لكن الطيار كذّب ادعاءات الفنانونفى طلبه منه أي أموال.
سما كتبت، على حسابها الخاص على موقع “إنستجرام”: “ايه يافنان؟؟ ايه يااسطوره؟ ايه ياديزل؟ ايه يانمبر وان؟ كده برضو تقطع عيش الراجل الطيار الغلبان وتخرب بيوت؟ مش عيب عليك؟ وطالع تبرر عملتك السوده دي وتكذب وتقول إن الراجل طلب منك تعويض ٩ مليون جنيه؟ طب اهو الراجل طلع نفي الكلام دا امبارح وشكلك بقي وحش اوي”.
وأضافت: “وبعدين انت بتسألنا يرضينا تدفعله الفلوس دي؟ بصراحه يرضينا جدا جدا ودي اقل حاجه تقدمها له..٩ مليون دي تمن عربيه من عربياتك يافنان مش هتفرق معاك كتير اومال نمبر وان اذاي؟؟ ادفع ياحبيبي وبطل كدب وبوس راس الراجل كمان مش اتصورت واتفشخرت ووريت الصوره لابنك وفرحته بابوه الاسطوره؟؟ ولا تفرح ابنك وتنكد علي ابن الطيار؟؟ ادفع ياحبيشه ادفع ادفع ياحبيبي يلا”.
وكان رمضان قد روى تفاصيل مع حدث مع الطيار، عبر صفحته على فيس بوك قائلا : “جمهورى الغالى شعب مصر الحبيب.. لكل متابعي أزمة الكابتن الطيار أشرف أبو اليسر.. أنا زي ما وعدت عمري ما هتخلى عنه.. أول أمبارح الحمد لله كلمت صديق ليا مدير شركة للطيران الخاص وحكيتله الموضوع، وقالي إن شاء الله خلال أسبوع يكون اشتغل ورجع لمهنته”.
وتابع رمضان: “كلمت الأستاذ سعيد إمام مدير روتانا، وقولتله يتواصل مع الكابتن أشرف، يقوله محمد رمضان ينتظر الـ CV، علشان كلمت شركة إماراتية، وكان رده إنه مش هيبعت الـ CV.. فده الحل من وجهة نظرى.. طبعا ده اللي كنت أقدر أعمله.. ولكن الكابتن أشرف بعت المحامي الخاص به، وقعد مع مدير الحسابات الخاص بيا، وكان اللي عوضه ويرضيه.. فحسب حسبة كان باقيله 3 سنين ويطلع على المعاش بالإضافة لمكافأة نهاية الخدمة، وبالإضافة للمعاش وشوية حاجات.. جمعهم وقالي إنه محتاج 9 ونص مليون جنيه.. فأنا سايب الحكم للى بيعلقوا وبيقولوا محمد رمضان تخلى عن الراجل.. لو انتوا شايفين إن ده يرضي ربنا أنا هعمله عادي جدا.. أنا سايبلكوا الرد”.
لكن الطيار المفصول أشرف أبو اليسر، رد على حديث الفنان محمد رمضان نافيا كل ما قاله عن الملايين، قائلاً: “لو فيه أي حد من الإخوة اللى كانوا معايا وساندوني، قال إنى طلبت مليم من حد يبقالى الكلام”، متابعا: “أنا مطلبتش مليم من حد، لأنى تاريخى ووضعي اللي كان هينتهي بعد 3 سنوات ونص بتكريمي، النهاردة انتهى بفصلى عن الشغل وإيقافي عن الطيران”.
وأضاف خلال مداخلة هاتفية لبرنامج “90 دقيقة”، على فضائية “المحور”،: “بصفتي راجل كنت في القوات الجوية قبل كده، ولي وضعي وتاريخي مقدرش أطلب رقم من أي حد وأقوله اديني لو سمحت عشان أنا اتظلمت”، موضحا أنه في الطائرة لا يوجد حاجز بين الراكب والطيارين، وأي أحد يجلس يمكن بخطوتين يكون في “الكابينة”.
وتابع: “الفنان محمد رمضان لما دخل الكابينة مفيش حد هيقوله متدخلش، لما دخل كان الكرسي اللي جنبي فاضي لوجود الطيار المساعد في الحمام، وقعد على الكرسي وطلب ياخد صورة تذكارية، وكثيرا من القامات الكبيرة طلبت تاخد صورة تذكارية وهي صورة شخصية وليست للنشر، وأنا قلت لمحمد رمضان الصورة دي لو اتنشرت هتقفل بيوت، هو قعد بس مش معناه إنه هو اللى بيسوق الطيارة”، مؤكداً: “اللقطة طلعت إني دخلته وسمحتله يتصور وإني طلبت منه فلوس والله ما حصل”.
