الفنانة شيري مجدي باكية: مفيش شغل ومعنديش حد يقف جمبي ومش عايزة آخذ طريق شمال

طلبت الفنانة شيري مجدي، عبر مقاطع فيديو نشرتها الفنانة منة جلال عبر حسابها الرسمي على مواقع التواصل الاجتماعي «فيسبوك»، المساعدة في أن تجد فرصة للعمل، لافتًة إلى أنها في ضيقة كبيرة منذ 4 أشهر.

وأضافت: «بقالي أربع أشهر في ضيقة كبيرة، ومفيش شغل وكل اللي كلمتهم يساعدوني محدش ساعدني، أنا يتيمة الأب والأم، وعايشة لوحدي ومعنديش حد في حياتي يقف جنبي».

وتابعت: «أنا مش طالبة من حد حاجة غير اللي شايف إني شاطرة يخليني اشتغل، وماكنتش عايزة أخد طريق شمال لأني مش هعرف، أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني من غير ما يحسسني إني قليلة».

وكتب الفنانة منة جلال على مقاطع الفيديو: “شيري ممثلة شاطرة ومش عشان معندهاش حد ولا وسطة تبقى كده، أنا نزلت الستوري ده عشان عندي ناس كتير جدا مخرجين ومنتجين وناس كتير في الوسط ممكن يساعدوها ويقفوا جنبها، أستغفر الله العظيم يارب».

حتى الموت فشلت فيه
وكانت شيري قد أثارت قلق الكثير من متابعيها منذ أشهر بعدما وجهت رسالة إلى نفسها من داخل المستشفى، قالت فيها إنها فشلت حتى في تحقيق “حلم الموت” ولكنها ستنتظر اليوم الذي ستتمكن فيه أن تحقق “راحتها الأبدية” من “عذاب الروح”.

شيري مجدي كانت قد أصيبت بهبوط حاد في الدورة الدموية وتم إسعافها في اللحظات الأخيرة بعد نقلها إلى المستشفى، ولكن ما كتبته أثار خوف الكثير من متابعيها حيث قالت عبر صفحتها الشخصية في موقع الفيس بوك: “حتى الموت فشلت فيه حتى أمنية اني اكون مش موجودة مش عايزة تتحقق”.

تابعت قائلة: “انقذوني برضو ولكن هيجي اليوم اللي هعرف اعمل كده.. انا مش قادرة اتحمل عذابي وتعب روحي انا مش عارفة اكون زي كل البنات ولا عارفة اكمل واقول اني قوية فانا مش قادرة اتحمل قلة حيلتي ولا قادرة اتحمل استغلال الناس لجسدي الضعيف ولا قادرة اواجه الحياة”.

أضافت: “كنت قوية سنين كتير ولكن مفيش حاجة واحدة تخليني امسك في الدنيا فأنا الوجه البشوش اللي بتشوفوه ولكن ورا هذا القناع إنسانة محطمة كليا.. انا كويسة ولكني لا احتاج الا للموت”.

شيري حذفت الرسالة بعد تزايد قلق معارفها، ونشرت بدلاً منها رسالة أخرى اعتذرت فيها من الجميع لعدم الرد على الهاتف وقالت: “شكرا علي اهتمامكم و الرسايل والمكالمات اعذروني حقيقي انا مش قادرة ارد .. انا بقيت كويسة الحمدلله .. صلولي.”