تم الكشف مؤخرا عن إصابة الفنان جمال يوسف بمرض سرطان البلعوم منذ ما يقرب من 6 شهور، وخضوعه لـ 35 جلسة علاج إشعاعي.
وفي أول ظهور لجمال يوسف، بعد إعلان إصابته، خلال لقائه ببرنامج “صباح البلد” على قناة “صدى البلد”، بدا بملامح مختلفة كثيرا بسبب المرض، كما ظهر بنحافة شديدة ووجه مجهد.
جمال يوسف تحدث خلال اللقاء عن تفاصيل مرضه، حيث قال: “أنا متشكر لصباح البلد، ودعم السوشيال ميديا فرق معايا، مكنتش بعرف أتكلم غير لما بنتي قالتلي أنت قالب الدنيا على فيس بوك والناس بتدعيلك”.
وتابع: “أنا تعبان من 6 شهور وقافل على نفسي، وأنا مبسوط إني شفت حب الناس وأنا عايش.. لقيت نفسي بتكلم وعايز أشرب بسبب دعم الناس، مع إني مكنتش بشرب بقالي 3 شهور”.
وأضاف: “جسمي بدأ يضعف وكنت وصلت لليأس بعد ما رقبتي اتحرقت من الإشعاع، وقولت مش هتعالج وهسيب قدري لربنا وقربت منه”.
وأكد أنه أكمل علاجه من أجل ابنه، حيث قال: “ابني قالي أرجوك أنا حاسس إني ضهري اتكسر من غيرك، فقررت أكمل جلسات الإشعاع، رغم إني تعبت ولساني اتحرق”.
وأكمل باكيا: “الأول كنت خايف من الموت، ولما قربت من ربنا مبقتش خايف، أنا بس خايف من مقابلة ربنا، عايز استغفر كتير قبل ما أقابله، أنا بني آدم وأكيد عندي ذنوب”.
ووجه رسالة إلى الجمهور الذين دعموه، بقوله: “بحبكم أوي ورفعتم من روحي المعنوية، منحتوني أمل إني أرجع أتكلم تاني”.
