أحالت لجنة الشكاوى بالمجلس الأعلى للإعلام، الإعلامية المصرية رضوى الشربيني لتحقيق عاجل، وذلك يسبب تصريحاتها في إحدى حلقات برنامجها “هي وبس”، عن الحجاب.
رضوى قالت في برنامجها: “لكل واحدة هي المحجبة الوحيدة في شلة صحابها أو في عيلتها أو في شارعها أو في شغلها، إوعي تقلعي الحجاب إنتي أحسن مني ومن غير المحجبة 100 ألف مرة”.
وطالبت من ترغب في خلع الحجاب، بأن تتغلب على شيطانها، بقولها: “إنتي أحسن عند ربنا، غير المحجبة شيطان نفسها أقوى من إيمانها وقوتها”.
وقد اعتبر البعض تصريحات رضوى تحمل إساءة لغير المحجبات، مما دفع لجنة الشكاوى بالمجلس الأعلى للإعلام لإحالتها للتحقيق.
الإعلامية المصرية أوضحت مقصدها، بقولها: “أنا غلطت وأفورت في طريقة التعبير، لأني كنت قابلت محجبات كتير أوي في الفترة دي، بيقولولي عايزين نقلع الحجاب عشان مش عارفين نخرج مع أزواجنا أو صحابنا مش محجبات “.
واكملت: “فطلعت أشكر في المحجبات أوي، فغير المحجبات حسوا إنهم مش كويسين، أنا بعتذر جدا لو فهمتوا ده، ماحدش هيدخّل الجنة أو النار غير ربنا سبحانه وتعالى”.
واضافت: “ولكن كان قصدي أقول المحجبة عملت اللي عليها أكثر مني واللي مش محجبة، ودا مالهوش علاقة بأن غير المحجبة مش كويسة، وإلا أنا ابقى بقول على نفسي ست مش كويسة، وربنا اللي بيحكم مين يدخل الجنة والنار”.
واختتمت كلامها، بقولها: “أفورت أوي فيها وإتفرجت على الفيديو ولقيت ناس زعلانين وعندكم ألف حق الصراحة حقكم على راسي”.
