سخرت الفنانة المصرية شيماء سيف من جملة قالها الفنان تامر حسني لزوجته بسمة بوسيل في رسالته لها، وهي جملة “متهورة بس بحبك”.
شيماء سيف نشرت صورة للفنانة فيفي عبده من أحد أعمالها ، على حسابها على موقع “انستجرام”، وعلقت مازحة: “قومي يا بت سيبي له البيت واطلبي الطلاق عشان يقولك بحبك يا متهوره”.
تعليق الفنانة المصرية حاز على إعجاب عدد كبير من متابعيها، خاصة النساء منهم، وبادلنها المزاح، حيث قالت إحداهما: ” لا احنا رجالتنا بتقول غورى يا مدهولة”، وقالت أخرى: “عشان الاقيه اتجوز عليا وهاص وعاش حياته ويقولي خليكي متهورة”.
بينما اعتبر البعض الآخر أن شيماء سيف قصدت التجريح في تامر حسني وبسمة بوسيل، وهو ما دفعها لتوضيح مقصدها، بقولها: ” تعديل مخصوص للشعب المغربى الغالى انا بحب تامر جدا وبحب بسمة جدا واتبسطت وفرحتلهم انهم رجعو”.
وأضافت: “وعشان عجبني رد تامر الرومانسي كتبت البوست ده قال يعنى لما هقول كده جوزى هيدلعنى زى ما تامر دلع بسمة ويقولى بحبك يامتهوره وهاذا المقصود”.
الفنانة المصرية اختتمت كلامها، بقولها: “ربنا يفرحهم ويسعدهم ويحفظهم لولادهم وتحياتي للشعب المغربى الغالى”.
وكان الفنان المصري تامر حسني قد وجه رسالة عتاب لزوجته المغربية بسمة بوسيل بعد الأخبار عن انفصالهما، حيث كتب عبر حسابه بموقع “إنستجرام” :”بسمة حببتي للاسف انتي مفكرتيش كويس و سلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة .. المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”.
وتابع :”ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم”.
وأضاف :”ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك”.
