رزقت الفنانة لارا إسكندر بمولودتها الأولى، ونشرت مقطع فيديو من جلسة تصوير خضعت لها قبل ولادتها بأسبوعين، استعرضت خلالها حملها، وذلك عبر حسابها على موقع “انستجرام”.
لارا إسكندر أرفقت المقطع بتعليق قال فيه: “٢٠٢٠ كانت سنة كلها أحداث غريبة وما كانتش سهلة على ناس كتير، وأنا واحدة منهم. بس في بدايات السنة اكتشفت إن ربنا بعتلي هدية و نعمة ملأتني بالأمل”.
وتابعت: “كنت دائما عارفة إني مش هأعلن الخبر إلا في الوقت المناسب لأن ما فيش حاجة أكتر قدسية من إن إنسان صغير يكون بيكبر جواك. والوقت المناسب هو دلوقتي”.
وأكملت: مش قادرة أشرح كم المشاعر اللي حاسة بيها، بس ممكن أقول إن قمة السعادة و الفرح (مع شوية تعب و إرهاق) مش تعبيرات كافية لإحساسي دلوقتي، دائما بحاول أشارككم أخباري على قد ما أقدر، بس دائما برضه باحرص على ان تكون في حدود ثابتة لما تكون الأخبار متعلقة بحياتي الشخصية و حياة عائلتي”.
واختتمت حديثها، قائلة: “ودلوقتي وأنا بابدأ حياتي الجديدة كأم، باسألكم إنكم تتفهموا إني هافضل متمسكة بالحدود دي ومتمسكة بخصوصية حياتي و حياة عائلتي وأتمنى انكم تتمنولنا السعادة في حياتنا الجديدة، أنا مبسوطة جدا إني بشارككم الخبر ده، حتى لو كان متأخر ب٩ شهور”.
وكانت لارا إسكندر قد احتفلت بزفافها على فيليب كاتشوني عام 2017، وهو أرمني من أصل مصري، في حفل زفاف أسطوري بلبنان.
