أعلنت الفنانة المصرية مي فخري اعتزالها الفن وارتداء الحجاب في شهر سبتمبر الماضي، وقامت بحذف كل صورها قبل ارتداء الحجاب،واكتفت بوضع الفيديوهات والصور التي تظهر فيها بالحجاب.
مي فخري كشفت عن السبب الذي دفعها لارتداء الحجاب، من خلال مقطع فيديو نشرته عبر حسابها بموقع “انستجرام”.
الفنانة الشابة قالت: “بعيد عن الناحية الدينية تمامًا ومش هندخل فيها وأنا هتكلم بشكل منطقي.. الحمد لله ربنا أتم خلقي كاملة ومعنديش مشكلة وأداني نعم كتير مش عارفة أقول إيه ولا إيه، وهو أداني أنا النعم مش عشان الناس تتبسط بيها.. وهي نعم حبيت أحافظ عليها”.
وأضافت: “أنا دلوقتي عندي إحساس إني أحسن، ومش متقيدة خالص أو أن شكلي مش حلو.. بالعكس مبسوطة أكتر من الأول بكتير وبلبس كل اللي أنا عاوزاه بشكل محتشم ويليق مع الحجاب”.
وتابعت: “نفسيًا بقيت أحسن بخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك.. الحمد لله مبقاش يحصل ومش باخد ذنب ناس مش قادرة تبص في الأرض أو مش قادرة تغض بصرها”.
واختتمت كلامها، بقولها: “مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها.. الحجاب فرض وأنا مقتنعة بكده وبتمني ربنا يثبتني ويهديني ..أنا حبيت بس أقولكم ليه اتحجبت ومن وقتها وأنا مبخفش وبنام مرتاحة”.
يذكر أن مي فخري كانت قد شاركت في عدد من الأعمال الفنية قبل اعتزالها، ومنها: “فيلم عمر وسلمى، ومسلسل أفراح إبليس2، ومسلسل البيت الكبير، ومسلسل بيت السلايف، وفيلم واحد صحيح، وغيرها.
